બજાર / ગોંડલ માર્કેટયાર્ડમાં ખેડૂતોએ ડુંગળીની હરાજી અટકાવી, જાણો એવું તો શું થયું

• માર્કેટીંગ યાર્ડમાં ખેડૂતોએ હરાજી અટકાવી
• ડુંગળીના ભાવમાં ધરખમ ઘટાડો
• સફેદ ડુંગળીની અંદાજિત 2 લાખ કટ્ટાની આવક

ગોંડલમાં ખેડૂતોએ માર્કેટિંગ યાર્ડમાં હરાજી અટકાવી દીધી છે. માર્કેટિંગ યાર્ડમાં ડુંગળીની ધરખમ આવક થતા ડુંગળીના ભાવમાં ઘરખમ ઘટાડો જોવા મળી રહ્યો છે. જેને લઈને ખેડૂતોમાં રોષ જોવા મળી રહ્યો છે. એક અંદાજ મુજબ ગોંડલ માર્કેટિંગ યાર્ડમાં સફેદ ડુંગળીની અંદાજીત 2 લાખ જેટલા કટ્ટાની આવક થઈ છે. જેને કારણે છેલ્લા 2 દિવસમાં ડુંગળીના ભાવમાં 50 ટકા જેટલો ધરખમ ઘટાડો જોવા મળી રહ્યો છે. ઉલ્લેખનિય છે કે, હાલમાં સફેદ ડુંગળીનો એક મણનો ભાવ રૂ.150થી લઈ રૂ.200 જેટલો ચાલી રહ્યો છે.

ભાવનગર માર્કેટિંગ યાર્ડમાં ડુંગળીની બંપર આવક થઈ હતી. 4 દિવસ બાદ ડુંગળીની આવકમાં ઘરખમ વધારો જોવા મળ્યો હતો. ગત રાત્રિથી ડુંગળી ઉતારવાનું શરૂ કરતા હંગામી યાર્ડ તથા જૂના કાયમી યાર્ડ હાઉસફુલ થઈ ગયા હતા. મહત્વપૂર્ણ છે કે, આશરે 3 લાખથી વધુ ગુણીની ડુંગળીની આવક થઈ હતી તથા ડુંગળીનો ભાવ યાર્ડમાં 20 કિલોના રૂ.500થી રૂ.600 જેટલો નોંધાયો હતો.