આંદોલન / ખેડૂતો અને સરકાર વચ્ચે આવતીકાલે થનારી બેઠક ટળી, હવે આ તારીખે થશે વાતચીત

• ખેડૂતો અને સરકાર વચ્ચે આવતીકાલે થનારી બેઠક ટળી
• હવે 20 જાન્યુઆરીએ થશે ખેડૂતોની વાતચીત
• કૃષિ કાયદાના વિરોધમાં ખેડૂતો કરી રહ્યા છે આંદોલન

ખેડૂત સંગઠનો અને કેન્દ્ર સરકાર વચ્ચે 19 જાન્યુઆરીએ થનારી બેઠક હવે 20 જાન્યુઆરીએ થશે. કૃષિ અને ખેડૂત કલ્યાણ મંત્રાલયે આ માહિતી આપી છે. આ બેઠક બપોરે 2 વાગ્યે વિજ્ઞાન ભવન નવી દિલ્હીમાં યોજવામાં આવશે.

મળતી માહિતી અનુસાર, બન્ને પક્ષો વચ્ચે 19 જાન્યુઆરીની બેઠક થવાની હતી પરંતુ કોઇ અનિવાર્ય કારણોથી આને સ્થગિત કરવી પડી. જોકે હાલ ખેડૂતો 26 જાન્યુઆરીએ ટ્રેક્ટર માર્ચ યોજવાના છે, પરંતુ સુપ્રીમ કોર્ટે રેલીને લઇને કોઇ આદેશ આપવાનો ઇન્કાર કરી દીધો છે. કહ્યું કે, ખેડૂતોની ટ્રેક્ટર રેલી યોજવી કે નહીં તે નક્કી કરવાનું કામ પોલસનું છે. જેને લઇને ખેડૂતો અને પોલીસની બેઠક મળી હતી. 

The meeting between farmer unions & the Central govt scheduled for Jan 19 has been postponed to Jan 20: Ministry of Agriculture and Farmers' Welfare

— ANI (@ANI) January 18, 2021

અત્રે ઉલ્લેખનીય છે કે, કૃષિ કાયદાઓ વિરૂદ્ધ દિલ્હીની બોર્ડર પર ધરણા પર બેઠેલા હજારો ખેડૂતોના અંદાજે 2 મહિના પૂરા થઇ ચૂક્યા છે. અત્યાર સુધી સરકાર અને ખેડૂતો વચ્ચે 9 રાઉન્ડની વાતચીત થઇ ચૂકી છે, કેટલાક મુદ્દાઓ પર સહમતિ બનેલી છે પરંતુ હવે ખેડૂત સંગઠનો ત્રણ કાયદાઓની પરત લેવાની માંગ પર અડગ છે. તેવામાં હવે આ વિવાદનો હલ ક્યારે અને કેવી રીતે નિકળે છે, તેના પર દેશની નજર છે.