ખેડૂત આંદોલન / 10 એપ્રિલે ખેડૂતો અહીં કરશે ચક્કાજામ, આવનારા 2 મહિનાનો પ્લાન કર્યો જાહેર

• ખેડૂત આંદોલન બન્યું સક્રિય
• સંયુક્ત કિસાન મોર્ચાએ 2 મહિનાનો પ્લાન કર્યો જાહેર
• 10 એપ્રિલે ચક્કાજામ તો મે મહિનામાં કરશે સંસદ માર્ચ
   

કૃષિ કાયદાના વિરોધમાં દિલ્હીની સીમાઓ પર પ્રદર્શન કરી રહેલા ખેડૂતો મે મહિનામાં પગપાળા સંસદ માર્ચ કરશે. ખેડૂતોએ 10 એપ્રિલે  કુંડલી- માનેસર-પલવર એક્સપ્રેસ વે પર 24 કલાક માટે ચક્કાજામની જાહેરાત કરી છે. 

 
2 મહિનાનો પ્લાન કર્યો જાહેર
સંયુક્ત કિસાન મોર્ચાએ બુધવારે સંગઠનની આગામી 2 મહિનાની રણનીતિ જાહેર કરી છે. કિસાન નેતા ગુરનામ સિંહ ચઢૂનીએ કહ્યું કે સંયુક્ત કિસાન મોર્ચાની મંગળવારે બેઠક થઈ હતી તેમાં નક્કી થયું છે કે ખેડૂતો સંસદ માર્ચ કરશે. 

संयुक्त किसान मोर्चा ने मई में संसद मार्च की घोषणा की है। किसानों और मजदूरों के अलावा, महिलाएँ, दलित-आदिवासी-बहुजन, बेरोज़गार युवा और समाज का हर वर्ग इस मार्च का हिस्सा होगा। यह कार्यक्रम पूरी तरह से शांतिपूर्ण होगा: संयुक्त किसान मोर्चा

— ANI_HindiNews (@AHindinews) March 31, 2021

સંસદ માર્ચની તારીખ નક્કી થઈ નથી
સંસદ માર્ચની તારીખ જાહેર કરાઈ નથી. તેમાં ફક્ત ખેડૂતો જ નહીં પણ આંદોલનના સમર્થન કરનારી મહિલાઓ, બેરોજગાર યુવકો અને શ્રમિકો પણ ભાગ લેશે. આ માર્ચ શાંતિપૂર્ણ રહેશે અને ધ્યાન રખાશે કે 26 જાન્યુઆરીની ઘટના ફરી ન બને.   કિસાન નેતા ગુરનામ સિંહ ચઢૂનીએ કહ્યું કે જો સંસદ માર્ચ સમયે પોલીસ કાર્યવાહી થશે તો પ્રદર્શનકારીના નિયંત્રણ કરવા માટે સમિતિનું ગઠન કરાશે. ખેડૂતોને સ્પષ્ટ કરાયું છે કે સંયુક્ત કિસાન મોર્ચા દરેક પ્રકારની હિંસાની નિંદા કરે છે. જો તેમના દ્વારા કોઈ સંપત્તિને નુકસાન થશે તો તેનો દંડ પણ તેઓએ ચૂકવવાનો રહેશે.  

આંદોલનમાં જીવ ગુમાવનારાને અપાશે સન્માન
આ સિવાય 6 મેના રોજ આંદોલનમાં જીવ ગુમાવનારાના સમ્માનમાં કાર્યક્રમ આયોજિત કરાશે. સાથે જ શ્રમ દિવસ અને આંબેડકર જયંતિ પર અલગ અલગ કાર્યક્રમ યોજાશે.