નિવેદન / અમે ધીરજ રાખી છે પરંતુ હવે હદ પાર ન કરતા, જુઓ ખેડૂતોને કયા રાજ્યના CMએ સંભળાવ્યું

• ગાઝીપુરમાં ખેડૂતો અને ભાજપ કાર્યકરો વચ્ચેની ઝપાઝપીની ઘટના
• હરિયાણાના સીએમ મનોહર લાલ ખટ્ટરનું નિવેદન 
• ખેડૂતો હદમાં રહે, અમે અત્યાર સુધી ધીરજ જાળવી રાખી છે

ગાઝીપુરમાં ખેડૂતો અને ભાજપ કાર્યકરો વચ્ચેની ઝપાઝપીની ઘટના બાદ ખટ્ટરનું આ નિવેદન સામે આવ્યું છે. ખટ્ટરે કહ્યું કે કિસાન શબ્દ શુદ્ધ પવિત્ર છે અને દરેક તેના પ્રત્યે સન્માનથી ભરેલો છે. પરંતુ કેટલીક દુર્ભાગ્યપૂર્ણ ઘટનાઓને કારણે આ શબ્દ કલંકિત થયો છે. તેમણે કહ્યું કે બહેનો-માતાઓની ગરીમા છિનવાઈ ગઈ છે, હત્યાઓ થઈ રહી છે તથા રસ્તાઓ બ્લોક કરવામાં આવી રહ્યાં છે. હું આ ઘટનાને લોકશાહી વિરૃદ્ધની ગણું છું અને તેની ટીકા કરુ છું. 

અમે ધીરજ રાખીને બેઠા છીએ-ખટ્ટર 

સીએમે કહ્યું કે અમે ધીરજ રાખી છે પરંતુ તેઓ ધમકીઓ આપી રહ્યાં છે, સીએમ, ડેપ્યટી સીએમ ગામડાઓમાં નહીં આવી શકે. તેઓ અમને ગમે તેટલા ઉશ્કેર પરંતુ અમે હજુ સુધી શાંતિ જાળવી રાખી છે કારણ કે અમે જાણીએ છીએ તેઓ અમારા લોકો છે અને દરેક હદમાં રહેવુ જોઈએ. 

ગાઝીપુર બોર્ડરે ભાજપના નેતાઓ અને ખેડૂતો બાખડ્યા, ગાડીઓમાં કરાઈ તોડફોડ
કૃષિ કાયદા વિરુદ્ધ દિલ્હીની સરહદો પર ખેડૂતો દ્વારા થયેલા પ્રદર્શનને સાત મહિના વીતી ગયા છે. આ દરમ્યાન ઉત્તર પ્રદેશ ગેટ ગાજીપુર બોર્ડર પર સવારે ખેડૂતો અને ભાજપના કાર્યકર્તાઓની વચ્ચે મારામારીની ઘટના સામે આવતા અરેરાટી ફેલાઈ છે. આ ગાડીમાં તોડફોડ કરવામાં આવી હતી અને અમુક લોકો ઈજાગ્રસ્ત થયા હતા. માહિતી અનુસાર, આશરે સવારે 10 વાગ્યે ભાજપના કેટલાંક કાર્યકર્તા ભાજપ નેતા અમિત વાલ્મિકીના સ્વાગતમાં આંદોલન સ્થળની નજીક પહોંચ્યા હતા. જ્યાં ઢોલ વગાડીને તેમનું સ્વાગત કરવામાં આવ્યુ હતું. આ અંગે ખેડૂતોએ વિરોધ દર્શાવ્યો હતો અને કાળા વાવટા ફરકાવવાનું શરૂ કર્યુ હતું.

ભાજપ નેતાની સ્વાગતવિધિ દરમ્યાન થઈ તોડફોડ
ભાજપના એક કાર્યકર્તાએ કહ્યું, અમે અમારા નેતાનું સ્વાગત કરી રહ્યાં હતાં. આ દરમ્યાન અમુક લોકો સામે આવ્યાં. જેમના હાથમાં લોખંડના ડંડા હતા. તેમણે ગાડીઓમાં તોડફોડ કરી હતી અને મારામારી કરી. પ્રદર્શનકારીઓએ લગભગ 70 થી 80 ગાડીઓમાં તોડફોડ કરી છે. ભાજપ નેતા રનિતાસિંહે કહ્યું, ભાજપ નેતા અમિત વાલ્મિકીના સ્વાગતમાં અમે શાંતિપૂર્ણ રીતે ઉભા હતા. આ દરમ્યાન ટીકૈતના સમર્થકો હથિયાર લઈને આવ્યાં હતા અને અમારી બહેનોની સાથે મારામારી કરી હતી. જેના કારણે કેટલાંક લોકો ઘાયલ થયા હતા.