બિહાર / બજારમાં યોગ્ય ભાવ ન મળ્યો તો કોબીના પાકમાં ફેરવી દીધું ટ્રેક્ટર, લોકોને મફતમાં કોબી આપીને થયા સંતુષ્ટ

• કોબીના યોગ્ય ભાવ ન મળતા ખેડૂતે ખેતરમાં ટ્રેક્ટર ચલાવ્યું
• એક રૂપિયા પ્રતિ કિલો પણ કોબીનો પાક ખરીદવા તૈયાર નથી
• આસપાસના લોકો ખેતરરમાંથી કોબી ઉઠાવીને ઘરે લઇ ગયા

બિહારના સમસ્તીપુર જિલ્લાના મુક્તાપુરના ખેડૂત ઓમ પ્રકાશ યાદવનું કહેવું છે કે, કોબીની ખેતીમાં ચાર હજાર રૂપિયા પ્રતિ કટ્ટાનો ખર્ચ છે અને અહીં બજારમાં એક રૂપિયા કિલો પણ નથી વેચાઇ રહી. પોતાની પીડા વ્યક્ત કરતા ઓમ પ્રકાશ યાદવે કહ્યું કે, પહેલા તો કોબી મજૂર પાસે કપાવવી પડે છે, પછી બોરી આપીને પેક કરાવવાની હોય છે અને થેલાથી બજાર પહોંચાડવી પડે છે, પરંતુ ત્યાં આડતિયા એક રૂપિયા પ્રતિ કિલો પણ કોબીનો પાક ખરીદવા તૈયાર નથી. મજબૂરીમાં તેણે પોતાના પાક પર ટ્રેક્ટર ચલાવવું પડી રહ્યું છે.

ઓમ પ્રકાશ યાદવે કહ્યું કે, હવે તેઓ જમીન પર ઘઉં વાવશે

ખેડૂતે કહ્યું કે, બીજી વખત તેમનો પાક બરબાદ થયો છે. આ પહેલા પણ તેનો પાક કોઇ ખરીદનારું ન હતું. ઓમ પ્રકાશ યાદવે કહ્યું કે, હવે તેઓ જમીન પર ઘઉં વાવશે. તેમણે કહ્યું કે, સરકારથી 1 રૂપિયાનો લાભ નથી મળી રહ્યો. આ પહેલા તેમના ઘણા ઘઉં ખરાબ થઇ ગયા હતા તો સરકારથી 1 હજાર 90 રૂપિયા વળતર મળ્યું હતું. ખેડૂતો કહ્યું કે, તેઓ 8થી 10 વિઘામાં ખેતી કરે છે અને સરકાર તરફથી 1 હજાર રૂપિયા વળતર મળે છે.

તમામ ગામડાના લોકો અને મજૂર છે, શાકભાજી ખાઇને ખુશ થશે: ખેડૂત

અહીંના ખેડૂતોનું કહેવું છે કે, જેટલા રૂપિયા ખર્ચ કરે તો કોબીની બજાર લઇને જશે ત્યાં તેમનો મૂળ ભાવ પણ પાછો નથી મળવાનો. જોકે પાકને ખેતીમાં જ નષ્ટ કરી દેવું યોગ્ય છે. ખેતરમાં ટ્રેક્ટર ચલાવતા જોઇને આસપાસના લોકો ખેતર પહોંચી ગયા અને ખેતરમાંથી કોબી ઉઠાવીને ઘરે લઇ ગયા. પોતાના પાકની કિંમત ન મેળવી શકનારા ખેડૂત લોકોને પોતાની કોબી લઇ જતા જોઇને સંતુષ્ટ હતા. આ ખેડૂતનું કહેવું છે કે, તમામ ગામડાના લોકો અને મજૂર છે, શાકભાજી ખાઇને ખુશ થશે.