રાજકારણ / લાલ કિલ્લા પર હિંસાનું ષડયંત્ર કોનું? પોલીસ અને ખેડૂત સંગઠનો આમને- સામને

• ખેડૂત સંગઠનોએ પોલીસ પર પ્રદર્શનકારીઓને કન્ફ્યૂઝ કરવા અને ષડયંત્ર રચવાનો આરોપ લગાવ્યો
• પ્રદર્શનકારીઓ નક્કી રુટથી આગળ નિકળી લાલ કિલ્લા સુધી પહોંચી ગયા - શ્રીવાસ્તવ
•  દિલ્હી પોલીસે નક્કી રુટ પર પણ બેરિકેટ કર્યા હતા- રાકેશ

સૌથી મોટો વિવાદ લાલ કિલ્લા પર ધ્વજની જગ્યાએ ધાર્મિક ઝંડો લહેરાવવામાં આવ્યો તેનો છે.  ત્યારે જાણો કે દિલ્હી પોલીસે શું કહ્યું અને ખેડૂત નેતાઓએ શું કહી રહ્યા છે.

દિલ્હી પોલીસ તરફથી શું કહેવામાં આવ્યું?

ટ્રેક્ટર પરેડ દરમિયાન થયેલી હિંસાને લઈ બુધવારે દિલ્હી પોલીસ કમિશનર એસ. એન. શ્રી વાસ્તવે પ્રેસ કોન્ફરન્સમાં કહ્યું કે ખેડૂત નેતાઓએ પ્રદર્શનકારીઓને ભડકાવવાનું કામ કર્યુ છે.  તેમણે ખેડૂત નેતાઓ પર વિશ્વાસઘાતનો આરોપ લગાવતા કહ્યું કે પ્લાન અંતર્ગત ઉગ્ર લોકોને આગળ કરી દેવાયા હતા અને બધું જ સુઆયોજિત રીતે કરવામાં આવ્યું હતુ. પોલીસની પાસે એક્શનના તમામ વિકલ્પ હતા પરંતુ સંયમથી કામ લીધું.

પ્રદર્શનકારીઓ નક્કી રુટથી આગળ નિકળી લાલ કિલ્લા સુધી પહોંચી ગયા - શ્રીવાસ્તવ

શ્રીવાસ્તવે કહ્યું કે 25 જાન્યુઆરીથી પ્રદર્શનકારીઓને ભડકાવવાનું કામ કરવામાં આવ્યું હતુ. અનેક સંગઠનોએ દિલ્હી પોલીસ દ્વારા નક્કી રુટ ન લીધો. આ જ કારણ છે કે હજારોની સંખ્યામાં પ્રદર્શનકારીઓ નક્કી રુટથી આગળ નિકળી લાલ કિલ્લા સુધી પહોંચી ગયા.

ખેડૂત નેતાઓએ શું નિવેદન આપ્યું

સંયુક્ત કિશાન મોર્ચાએ ગણતંત્ર દિવસ તરફથી સ્થળ પર થયેલી ઘટનાથી પોતાને અલગ કરી દીધું. બુધવારે દિલ્હીમાં સિંધુ બોર્ડરની પાસે થયેલી તમામ ખેડૂત સંગઠનની બેઠકમાં હિંસાની નિંદા કરવામાં આવી અને પોલીસ પર પ્રદર્શનકારીઓને કન્ફ્યૂઝ કરવા અને ષડયંત્ર રચવાનો આરોપ લગાવ્યો છે. ખેડૂત નેતા રાકેશ ટિકૈતે કહ્યું કે દિલ્હી પોલીસે નક્કી રુટ પર પણ બેરિકેટ કર્યા હતા. જેના કારણે ટ્રેક્ટર ચાલક જેમને દિલ્હીનો રુટ ઓછો ખબર હતો તે આગળ વધતા ગયા અને લાલ કિલ્લા સુધી પહોંચી ગયા.

 ટ્રે્ક્ટર પરેડ દરમિયાન કેટલાક લોકો ઘૂસી આવ્યા હતા. જેના પર નજર રાખવી જોઈતી હતી

લાલ કિલ્લાની હિંસાને લઈને શિવકુમાર કક્કા તરફથી પણ રહેવામાં આવ્યું છે કે ખેડૂતોના આંદોલનમાં ટ્રે્ક્ટર પરેડ દરમિયાન કેટલાક લોકો ઘૂસી આવ્યા હતા. જેના પર નજર રાખવી જોઈતી હતી. પરંતુ અમારી ભૂલ થઈ. સંયુક્ત કિસાન મોર્ચાએ ગત દિવસે પ્રેસ કોન્ફરન્સ કરી કહ્યું કે તિરંગો બધાની શાન છે તેનું અપમાન કરનાર પર પગલા ભરાવવા જોઈએ.

 લાલ કિલ્લા પર તિરંગાનું અપમાન નથી થયું- દીપ

ખેડૂત સંગઠનોના જણાવ્યાનુંસાર લાલ કિલ્લા પર જે કંઈ થયું તે કોઈ સંગઠન અથવા ખેડૂતોએ નથી કર્યું બલ્કે એક વ્યક્તિએ કર્યુ છે જે મામલા પર દુઃખ વ્યક્ત કરતા 2 સંગઠનો આંદોલનથી અલગ થઈ ગયા છે. ખેડૂત નેતાઓએ લાલ કિલ્લાની હિંસાને લઈને દીપ સિદ્ધુને જવાબદાર ગણાવ્યો છે. આ ઘટના સમયે તે ત્યાં જ હતો. ખેડૂત નેતાઓએ કહ્યું કે દીપ સિદ્ધુ ભાજપનો જ માણસ છે. જ્યારે દીપે નિવેદન આપ્યું કે લાલ કિલ્લા પર તિરંગાનું અપમાન નથી થયું.

અત્યાર સુધી 25 FIR દાખલ 50 ખેડૂત નેતાઓની નામજોગ ફરિયાદ

દિલ્હી પોલીસ અત્યાર સુધીમાં 25 FIR દાખલ કરી ચૂકી છે. જેમાં 50 ખેડૂત નેતાઓની નામજોગ ફરિયાદ નોંધાયી છે. ત્યારે લગભગ 70 ઉપદ્રવીઓ પર તંગ કસાયો છે. જેમાં લગભગ 20ની ધરપકડ થઈ છે. જ્યારે લગભગ 50 ઉપદ્રવીઓને હજું કસ્ટડીમાં રાખ્યા છે. બુધવારની મીટિંગમાં દિલ્હી પોલીસ કમિશ્નર એસએન શ્રીવાસ્તવે ગૃહ મંત્રી શાહને આ તમામ બાબતોની વિસ્તૃત જાણકારી આપી છે. સૂત્રો દ્વારા મળતી માહિતી મુજબ સ્વરાજ અભિયાનના નેતા યોગેન્દ્ર યાદવની વિરુદ્ધ પણ દિલ્હી પોલીસે કેસ દાખલ કર્યો છે.  સમાચાર એજન્સી એએનઆઈના અનુસાર દિલ્હી પોલીસની એફઆઈઆરમાં ખેડૂત ટ્રેક્ટર રેલી અંગેની એનઓસીનું ઉલંઘન માટે ખેડૂત નેતા દર્શન પાલ, રાજિંદર સિંહ, બલવીર સિંહ રાજેવાલ, બુટા સિંહ બુર્જિલ અને જોગિંદર સિંહ ઉગ્રાહાના નામનો ઉલ્લેખ છે. FIRમાં ભારતીય ખેડૂત યુનિયન પ્રવક્તા રાકેશ ટિકૈતનું નામ પણ છે. 

શું બન્યું હતુ

ઉલ્લેખનીય છે કે રાષ્ટ્રીય ધ્વજ તથા ખેડૂત યુનિયનોના ઝંડા સાથે હજારો ખેડૂતો મંગળવારે ગણતંત્ર દિવસે ટ્રેક્ટરો પર સવાર થઈ રેલી કરી રહ્યા હતા. તે દરમિયાન કેટલાક  તોફાની તત્વોએ બેરિયરોને તોડી પોલીસ સાથે બાથ ભીડતા લાલકિલ્લાની ઘેરાબંધી માટે વિભિન્ન સીમા બિંદુઓથી રાષ્ટ્રીય રાજધાનીમાં દાખલ થયા. લાલ કિલ્લા પર ઉપદ્રવીઓ ધ્વજ સ્તંભ પર પણ ચઢ્યા હતા. અનેક સ્થળો પર પ્રદર્શનકારીઓ પર પોલીસે લાઠીચાર્જ પણ કર્યો હતો. પોલીસે કેટલીક જગ્યાઓ પર અશાંત ભીડને વિખેરવા માટે આંસૂ ગેસના સેલ પણ છોડ્યા હતા. ત્યારે આઈટીઓ પર સેંકડો અસામાજિક તત્વો પોલીસકર્મીઓ પર લાઠીઓ લઈને દોડતા અને ઉભી રહેલી બસોને પોતાના ટ્રેક્ટરથી ટક્કર મારતા પણ નજરે પડ્યા હતા.