કેન્દ્ર સરકારના નવા કૃષિ કાયદાઓ સામે ખેડૂતો આંદોલન કરી રહ્યા છે ત્યારે હવે કડકડતી ઠંડીની સાથે સાથે આકાશમાંથી કમોસમી વરસાદ પણ આફતના રૂપે વરસી રહ્યો છે.
દિલ્હીમાં ઠંડીની વચ્ચે વરસાદના કારણે ખેડૂતોની મુશ્કેલી વધી
વરસાદનાઆ કારણે ટેન્ટ અને ટ્રૉલીમાં ખેડૂતો લઈ રહ્યા છે સહારો
ખેડૂતોએ સરકારનું આપ્યું અલ્ટીમેટમ
આફતો વચ્ચે અડગ આંદોલન
નવા કૃષિ કાયદાઓ વિરુદ્ધ દિલ્હી બોર્ડર પર ખેડૂતો ગમે તે કિંમતે પાછળ હટવા તૈયાર ન હોય તેવું દેખાઈ રહ્યું છે ત્યારે કુદરત પણ જાણે ખેડૂતોની ધીરજતાની કસોટી કરી રહ્યો હોય તેમ કડકડતી ઠંડીની વચ્ચે હવે મુશળધાર વરસાદ પડી રહ્યો છે. સતત બે દિવસથી વરસાદના કારણે ખેડૂતોને ઘણી બધી મુશ્કેલીઓ સામે આવી રહી છે. જોકે આ કપરી પરિસ્થિતિમાં પણ ખેડૂતોનો જુસ્સો અડગ છે અને સરકારને અલ્ટીમેટમ આપી દેવામાં આવ્યું છે.
ઠંડી બાદ હવે આકાશ વરસતી આફત
દિલ્હીની વિવિધ બોર્ડર પર ખેડૂતો સામે મોટી સમસ્યા ઊભી થઈ છે ત્યારે આજે સવારથી વરસાદ પડી રહ્યો છે. કેટલાક ખેડૂતો તો વરસાદમાં પણ પ્રદર્શન કરી રહ્યા છે અને કેટલાક ટેન્ટ અને ટ્રૉલીની નીચે આશરો લઈ રહ્યા છે. ખેડૂતોએ કહ્યું કે જે ટેન્ટ છે તેમાં જ અમે ઠંડી અને વરસાદથી બચી રહ્યા છે.
વરસાદના કારણે ખેડૂતોના ઊંઘવા માટેના ટેન્ટ, કપડાં, ટ્રૉલી બધુ જ પલળી ગયું છે અને ઠંડીના કારણે પણ પરિસ્થિતિ વધુ ખરાબ થઈ રહી છે. ખેડૂતોએ કહ્યું કે અમે પરિવારથી ખૂબ દૂર કઠોર પરિસ્થિતિમાં સડકો પર બેઠા છે ત્યારે સરકારથી આશા છે કે તે અમારી માંગણીઓ સ્વીકારી લેશે.
Delhi: Farmers continue to hold sit-in protest at Ghazipur (Delhi-UP border) for 37th day amid rain & cold.
A protester says, "We're staying on streets in such harsh weather conditions away from our family. We're hopeful that the govt will accept our demands tomorrow." #FarmLawspic.twitter.com/XHNPCST5nm
गाज़ीपुर (दिल्ली-यूपी) बॉर्डर पर ठंड और बारिश के बीच भी कृषि कानूनों के खिलाफ विरोध प्रदर्शन जारी है। किसानों को यहां प्रदर्शन करते हुए आज 37 दिन हो गए हैं।
एक प्रदर्शनकारी ने बताया, "तिरपाल और जो कुछ भी हम लेकर आए हैं उसी से ठंड और बारिश से अपना बचाव कर रहे हैं।" pic.twitter.com/5N6ovddF7G
સંયુક્ત કિસાન મોરચાથી જોડાયેલા ખેડૂત અગ્રણી અભિમન્યુ કોહરે કહ્યું કે ખેડૂતો ટેન્ટમાં આશરો લઈ રહ્યા છે પરંતુ ઠંડી અને પાણી ભરાઈ જવાના કારણે મુશ્કેલી વધી રહી છે. તેમણે કહ્યું કે વરસાદના કારણે પ્રદર્શન સ્થળોની હાલત ખૂબ ખરાબ થઈ ગઈ છે અને પાણી પણ ભરાઈ ગયા છે, સાથે સાથે ઠંડી પણ વધી રહી છે પણ સરકારને આ પીડા દેખાઈ રહી નથી.
પ્રદર્શન સ્થળ પર કીચડ જમા થઈ ગયું
નોંધનીય છે કે દિલ્હી અને આસપાસના વિસ્તારમાં થઈ રહેલા વરસાદનાઆ કારણે પ્રદર્શન સ્થળ પર કીચડ જમા થઈ ગયું છે અને તેના કારણે પગપાળા ચાલવું પણ મુશ્કેલ થઈ રહ્યું છે. રસ્તા પર કીચડના કારણે વૃદ્ધો અને મહિલાઓને તકલીફ પડી રહી છે. નોંધનીય છે એ કોર્પોરેશનના 30 કર્મીઓ સિંઘુ બોર્ડર પર સફાઇ કામ માટે રાખવામાં આવ્યા છે.