છેલ્લા કેટલાક વર્ષોથી ભાવનગર-રાજુલા હાઇવે બિસ્માર હાલતમાં છે.ત્યારે ભાવનગરના તળાજા પાસે ખેડૂતોએ હાઈવે ચક્કાજામ કર્યો હતો. મોટી સંખ્યામાં લોકો પણ જોડાયા હતા.
ભાવનગરના તળાજાના પસ્વી ગામે ચક્કાજામ
ખેડૂતોએ હાઇવે પર કર્યો ચક્કાજામ
બિસ્માર હાઈવેને લઇ ખેડૂતો દ્વારા વિરોધ
ભાવનગર-રાજુલા ફોર લેન હાઇવેના કોઇ ઠેકાણા નથી અને ટોલનાકા શરૂ કરી દેવાયા છે. હાઇવેની હાલત ખુબ જ ખરાબ થઇ ગઇ છે. ઇમરજન્સી વાહનોને પસાર થવું પણ મુશ્કેલ પડી રહ્યું છે. તો મોટર સાયકલથી લઇને મોટા વાહનોને આ રોડ પર ચલાવવા માથાના દુઃખાવા સમાન બન્યું છે. નવા રોડનું કામ ઝડપી બનાવવા અને જૂના રોડનું સમારકામ કરાવવા માટે અનેક વખત ચક્કાજામ અને વિરોધ થયા છે. સોશિયલ મીડિયામાં પણ ભારે વિરોધ કરાઇ રહ્યો છે. પરંતુ આ વિસ્તારના નેતાઓને કોઇ ફરક જ નથી પડતો. તેવામાં હવે આજ રોજ ભાવનગર પાસે હાઈવેમાં ટ્રાફિક જામ થયો હતો, જેને પગલે તંત્ર સહિત પોલીસ કાફલો દોડતો થઈ ગયો હતો. ખેડુતોએ રીતસર ચાલતા વાહનોના પૈડા અટકાવી દીધા હતા.
બિસ્માર હાઈવેને લઇ ખેડૂતો દ્વારા વિરોધ
ભાવનગરના તળાજાના પસ્વી ગામે ચક્કાજામ કર્યો છે. ખેડૂતોએ હાઇવે પર ચક્કાજામ કર્યો છે. બિસ્માર હાઈવેને લઇ ખેડૂતો દ્વારા વિરોધ કરવામાં આવી રહ્યો છે. મોટી સંખ્યામાં ખેડૂતો અને લોકો એકઠા થયા હતા. આ રોડનું કામ તાત્કાલિક શરૂ કરવા માટે માંગ કરવામાં આવી રહી છે.
શું કહે છે ખેડૂતો?
રોડ નહીં તો ટોલ નહીં. જો અમને અહીંથી ખસેડવામાં આવશે તો ઘરેથી અમારી બહેનો દીકરીઓ ગાયો ભેંસો સાથે નીકળી પડશે. આજે અમે હટીશું નહીં સરકાર અમને આ રોડ રસ્તા વ્યવસ્થિત કરી આપશે એવી ખાતરી આપે તો જ અમે હટીશું.
હાઇવે પર ચક્કાજામ થતા પોલીસ ઘટના સ્થળે પહોંચી હતી
ખેડૂતોએ ટોલનાકા બંધ કરો ના નારા પણ લગાવ્યા હતા. ટ્રાફિક જામ થતાં આખરે પોલીસનો કાફલો ઘટનાસ્થળે દોડી ગયો હતો. પોલીસ દ્વારા લોકોને સમજાવવા પ્રયાસ કરવામાં આવ્યો હતો. પણ ખેડૂતોએ ત્યાં સુધીમાં આખો હાઈવે જામ કરીને મૂકી દીધો હતો.