દિલ્હીમાં ખેડૂત આંદોલન વચ્ચે ગુજરાતમાં MSPનું ચિત્ર ઉલ્ટું જોવા મળી રહ્યું છે. ગુજરાતના ખેડૂતોની ટેકાના ભાવે વેચાણમાં નિરસતા જોવા મળી છે.
ખેડૂતોની ટેકાના ભાવે વેચાણમાં નિરસતા
20% ખેડૂતોએ જ ટેકાના ભાવે વેંચી મગફળી
2020-21માં 469981 ખેડૂતોએ કરાવ્યું રજિસ્ટ્રેશન
ગુજરાતના 20 ટકા ખેડૂતોએ જ ટેકાના ભાવે મગફળી વેચી છે. 2020-21માં 4 લાખ 69 હજાર 981 ખેડૂતોએ રજિસ્ટ્રેશન કરાવ્યું હતું. ટેકાના ભાવે મગફળી વેચવા 4 લાખ 69 હજાર 981 ખેડૂતોએ રજિસ્ટ્રેશન કરાવ્યું હતું. જેમાથી 91 ટકા ખેડૂતોને ખરીદી માટે મેસેજ મોકલાયા હતા.
જોકે 4 લાખ 69 હજાર 981માંથી 98 હજાર 943 ખેડૂતો જ સેન્ટર પર પહોંચ્યા હતા. આ નોંધણીવાળા ખેડૂતોમાંથી 3249ની મગફળી સરકારે રીજેક્ટ કરી છે...સરકારે 95 હજાર 494 ખેડૂત પાસેથી 1 લાખ 76 હજાર 086 ટન મગફળી ખરીદી છે. ખુલ્લી બજારમાં MSPથી વધુ ભાવ મળતા MSP મુદ્દે નિરસતા જોવા મળી છે. સિંગદાણાવાળાઓની ધુમ ખરીદી હોવાથી ખુલ્લી બજારમાં વેચાણ કરવામાં આવી રહ્યું છે. તામિલનાડુથી બિયારણના વેપારીઓએ ગુજરાતમાં ખરીદી કરી છે.