દિલ્હી / 15 ઓગસ્ટે PM મોદી નહીં ફરકાવી શકે રાષ્ટ્રધ્વજ? મોટા ષડયંત્રની જાણ થતાં જ એજન્સીઓ એક્શનમાં

• અલગતાવાદી તત્વો સરકાર સામે લડી લેવાના મૂડમાં
• 15 ઓગસ્ટે ટ્રેક્ટર માર્ચ યોજી PM મોદીનો રસ્તો રોકવાની ફિરાકમાં
• સુરક્ષા એજન્સીઓ થઈ સતર્ક 

આ ષડયંત્ર અંગેની જાણકારી મળતા જ સુરક્ષા એજન્સીઓ સતર્ક બની છે. સૂત્રો પાસેથી મળેલી માહિતી અનુસાર, ખાલિસ્તાની નેતા ગુરપતવંત સિંહ પન્નુએ ખેડૂતો અને તેમના સમર્થકોને અપીલ કરી છે કે તેઓ ટ્રેક્ટરથી દિલ્હીના રસ્તાઓ બંધ કરે જેથી પીએમ ધ્વજ ફરકાવી ન શકે. 

પ્રજાસત્તાક દિવસે હિંસક તત્વોએ લાલ કિલ્લા પર ફરકાવ્યો હતો ચોક્કસ ધર્મનો ધ્વજ

ગુપ્તચર સૂત્રોએ દાવો કર્યો હતો કે પન્નુએ પંજાબ, કાશ્મીર, આસામ અને મહારાષ્ટ્રના ખેડૂતોને તિરંગો ફરકાવવાનું કહ્યું નથી. નોંધનીય છે કે આ વર્ષે પ્રજાસત્તાક દિવસ નિમિત્તે ખેડૂતોના હિંસક તત્વોએ લાલ કિલ્લા પર ચોક્કસ ધર્મનો ધ્વજ ફરકાવ્યો હતો. આ સાથે જ રાષ્ટ્રીય રાજધાની ક્ષેત્રમાં હિંસા કરવામાં આવી હતી.

પોલીસ એક્શનમાં 

બીજી બાજુ, દિલ્હી પોલીસ કમિશનર રાકેશ અસ્થાનાએ 15 ઓગસ્ટની સુરક્ષા વ્યવસ્થા અંગે બેઠક યોજી હતી. અસ્થાનાએ એક બેઠકમાં કહ્યું હતું કે ગત 26 જાન્યુઆરી જેવી ઘટના ફરી ન બને. 15 ઓગસ્ટ શાંતિપૂર્ણ હોવી જોઈએ. કાર્યક્રમમાં કોઈપણ પ્રકારની અડચણ ન હોવી જોઈએ. સ્વતંત્રતા દિવસ નિમિત્તે કાર્યક્રમો શાંતિપૂર્ણ રીતે પૂર્ણ કરવા જોઈએ.

કમિશનર રાકેશ અસ્થાનાએ આપ્યા નિર્દેશ

રાકેશ અસ્થાનાએ દિલ્હી પોલીસના ઉચ્ચ અધિકારીઓ સાથે વિશેષ સુરક્ષા સમીક્ષા બેઠક યોજી હતી. આ બેઠકમાં સ્પેશિયલ સેલના 3 ડીસીપી, સ્પેશિયલ સીપી સ્પેશિયલ સેલ, તમામ ડિસ્ટ્રિક્ટ જોઇન્ટ સીપી અને તમામ ડીસીપી હાજર રહ્યા હતા. જણાવી દઈએ કે સ્વતંત્રતા દિવસના અવસર પર આતંકી હુમલા માટે એલર્ટ પણ જારી કરવામાં આવ્યું છે. પોલીસને સઘન તપાસ કરવા સૂચના આપવામાં આવી છે.

સુરક્ષા એજન્સીઓએ આપ્યું છે એલર્ટ

નોંધનીય છે કે 15 ઓગસ્ટના પ્રથમ અને ચોમાસુ સત્ર વચ્ચેના સમયગાળાને લઈને સુરક્ષા એજન્સીઓએ દિલ્હીમાં એક મોટું એલર્ટ પણ જારી કર્યું છે. ચેતવણી મુજબ દિલ્હીમાં 'ડ્રોન જેહાદ' કરીને એક મોટું આતંકવાદી કાવતરું ઘડી શકાય છે. દિલ્હીને હચમચાવવાનું ષડયંત્ર રચવામાં આવી રહ્યું છે. 15 ઓગસ્ટ પહેલા પાકિસ્તાન સમર્થિત આતંકવાદીઓ અને અસામાજીક તત્વો દિલ્હીને હચમચાવી શકે છે.