દરેક લોકોના જીવનમાં પોતાના સપનાના ઘરની એક આગવી તસ્વીર છપાયેલી હોય છે, લોકો પોતાના ઘરને દિલથી ચાહતા હોય છે અને તેના માટે કંઈ પણ કરી શકે છે.
પંજાબના ખેડૂતો અપનાવ્યો ગજબનો જુગાડ
એક્સપ્રેસ વેના પ્રોજેક્ટમાં વચ્ચે આવતું હતું ઘર
ઘરને બચાવવા માટે 40 લાખનો ખર્ચ કરી અન્ય જગ્યાએ શિફ્ટ કર્યું
પંજાબના સંગરુર જિલ્લાના રહેવાસી ખેડૂત સુખવિંદર સિંહ સુખી ગિર હાલ ખૂબ ચર્ચામાં છે. પોતાના સપનાના ઘરને બચાવવા માટે તેમણે જે આઈડીયા અપનાવ્યો છે, તેની ચારેતરફ વાહવાહી થઈ રહી છે. હકીકતમાં તેમનું ઘર દિલ્હી જમ્મુ કટરા એક્સપ્રેસ વેના રસ્તામાં આવી રહ્યું હતું. ત્યારે આવા સમયે એક કરોડથી પણ વધારે કિંમતથી બનેલા આ ઘરને બચાવવા માટે જુગાડ ટેકનોલોજી લગાવીને ઘરને 500 ફુટ દૂર અન્ય જગ્યાએ શિફ્ટ કરાવી દીધું. જેનાથી તેમનું ઘર પણ બચી ગયું અને સરકારી યોજનામાં કોઈ અડચણ પણ ન આવી.
સંગરુરના રોશનવાલા ગામની નજીકમાંથી ભારત માલા પ્રોજેક્ટ અંતર્ગત દિલ્હી કટરા જમ્મુ એક્સપ્રેસ વે પસાર થઈ રહ્યો છે. જેના માટે ખેડૂતોની જમીન એક્વાયર કરવામા આવી હતી. કામ હાલમાં ચાલી રહ્યું છે. ખેડૂત સુખવિંદર સિંહની અઢી એકર જમીન એક્સપ્રેસ વેના દાયરામાં આવી ગઈ. પણ તેમને પોતાના ખેતરમાં જ ઘર બનાવ્યું હતું. સાથે જ તેમણે ત્યાં ઘઉં અને ધાનના બિયારણ તૈયાર કરવા માટે નાની એવી ફેક્ટ્રી પણ લગાવી હતી. ત્યારે આવા સમયે જ્યારે જમીન અધિગ્રહણની શરૂઆત થઈ તો, ફેક્ટ્રી ત્યાંથી હટાવી લેવામા આવી પણ તેઓ ઘર હટાવવા માટે રાજી નહોતા.
#WATCH | A farmer in Punjab's Sangrur is moving his 2-storey house 500 feet away from its existing place pic.twitter.com/nrQoQhM0vO
સુખવિંદર સિંહ જણાવે છે કે, તેમણે સવા કરોડ રૂપિયાના ખર્ચે પોતાનો મહેલ ઊભો કર્યો છે. 2019માં ઘર બનીને તૈયાર થયું. પોતાના ભાઈ સાથે તે આ જ ઘરમાં રહે છે. પણ ઘર સરકારી યોજનાની વચ્ચે આવી રહ્યું છે. જો હવે ફરી વાર ઘર બનાવીશું તો ખર્ચો પણ વધારે થશે અને સમય વેડફાશે. બાદમાં તેમણે લિફ્ટીંગ ટેક્નોલોજીથી ઘરને ઉઠાવીને બીજી જગ્યાએ શિફ્ટ કરવાનું વિચાર્યું. જેના માટે સંબંધિત લોકો સાથે સંપર્ક કર્યો અને કામ શરુ કર્યું.
કારીગરોએ 2 મહિનામાં ઘરને ભારે જહેમત ઉઠાવીને દેશી જુગાડ લગાવીને કોઈ પણ નુકસાન વગર 250 ફુટથી વધારે શિફ્ટ કરી દીધું. હજૂ તે 250 ફુટ શિફ્ટ કરશે.બાદમાં તેને 60 ફુટની આસપાસ બીજી તરફ વાળવામાં આવશે આ કામ કરવામાં લગભગ 40 લાખ જેટલો ખર્ચો આવશે.