વાયરલ / આંદોલનની વચ્ચે રાકેશ ટીકૈતે કર્યું એવું કામ કે સોશ્યલ મીડિયામાં છવાઈ ગયા, લોકોને પસંદ આવ્યો અનોખો અંદાજ

• બોર્ડર પર ટિકૈતની પાઠશાળા
• બાળકોને આપ્યું જ્ઞાન 
• રાકેશ ટિકૈતનો આ અંદાજ લોકોને છે પસંદ

કિસાન નેતા રાકેશ ટિકૈત અહીંયા છે માસ્ટરજી!

ખેડૂતોના આંદોલનને થોડા દિવસ બાદ ત્રણ મહિના પૂરા થઈ જશે. દિલ્હી અને આસપાસની બોર્ડરમાં ખેડૂતો આંદોલન કરી રહ્યા છે ત્યારે આંદોલનનું એપીસેન્ટર હવે ગાઝીપૂર બોર્ડર બની ગઈ છે. આ બોર્ડર પર રાકેશ ટીકૈત પોતાના સમર્થકો સાથે આંદોલન પર બેઠા છે. અત્યાર સુધી રાકેશ ટીકૈત પોતાના આક્રમક અંદાજને લઈને ચર્ચામાં રહ્યા છે અને ટીકૈતના આંસુઓએ આનોલનમાં પ્રાણ ફૂંક્યા હતા. 

Farmer leader Rakesh Tikait teaches children at makeshift school at protest site

Read @ANI Story | https://t.co/suGJDjq1Jt pic.twitter.com/FoVn07Z7iX

— ANI Digital (@ani_digital) February 15, 2021

આંદોલનની સાથે પાઠશાળા

રાકેશ ટીકૈત ઘણા દિવસથી દેશભરમાં ચર્ચાનો વિષય બની ગયા છે ત્યારે હવે રાકેશ ટીકૈતનો એક અલગ અંદાજ ખૂબ વાયરલ થઈ રહ્યો છે. સોમવારે તેઓ એક આસ્થાઈ સ્કૂલમાં નાના બાળકોને ભણાવતા નજરે પડ્યા. 

બાળકોને ભણાવતો રાકેશ ટિકૈતનો વીડિયો સોશિયલ મીડિયામાં વાયરલ 

ભારતીય કિસાન યુનિયનના મીડિયા ઇન્ચાર્જ ધર્મેન્દ્ર મલિકે કહ્યું કે રાકેશ ટીકૈતે બાળકોને અક્ષર અને અંકોનું જ્ઞાન આપ્યું અને એક બે મહિનામાં બાળકો શું શીખ્યા એ વિશે પણ તેમણે સવાલો કર્યા. 

ગાઝીપુર બોર્ડર પર રાકેશ ટિકૈતે લગાવી પાઠશાળા 

રાકેશ ટીકૈતે કહ્યું કે હું અહિયાં જોવા આવ્યો હતો કે તે શું શીખી રહ્યા છે? મેં તેમને ભણાવ્યું અને આસપાસના સ્લમ વિસ્તારથી બાળકો અહિયાં ભણવા આવે છે અને મેં તેમને પોતાના જન્મદિવસ પર વૃક્ષ રોપવા કહ્યું છે જેથી પર્યાવરણ સાફ રહે. 

રાકેશ ટીકૈતે આ મુદ્દે પણ સરકાર પર નિશાન સાધ્યું અને કહ્યું કે અમીરોના દીકરા એસી સ્કૂલમાં ભણે છે અને ગરીબોના બાળકો માટે તો શાળામાં પાટલીની પણ વ્યવસ્થા નથી. 

સોશિયલ મીડિયામાં રાકેશ ટિકૈતની થઇ રહી છે પ્રશંસા 

નોંધનીય છે કે ખેડૂત આગેવાનનો આ અંદાજ સોશ્યલ મીડિયામાં લોકોને ખૂબ ગમ્યો છે. રાકેશ ટીકૈતના આ નવા અંદાજની પ્રશંસા કરવામાં આવી રહી છે.