રાજસ્થાનના ભેરુસરી ગામમાં ત્રણ સગી બહેનોએ RASની પરીક્ષા પાસ કરી. જેથી ગ્રામજનો દ્વારા તેમનું ફુલોથી સ્વાગત કરવામાં આવ્યું
એક સાથે ત્રણ બહેનોએ RASની પરીક્ષા કરી પાસ
ગ્રામજનોએ ફુલોથી કર્યું સ્વાગત
બ બહેનોએ અગાઉ RASની પરીક્ષા પાસ કરી હતી
રાજસ્થાનના હનુમાનગઢ જિલ્લામાં આવેલ ભૈરુસરી ગામની ત્રણ સગી બહેનો રીતૂ, અંશુ અને સુમને એક સાથે RAS એટેલેકે રાજસ્થાન પ્રશાસન સેવાની પરીક્ષા પાસ કરી લીધી જેના કારણે ગામમાં આજે આનંદનો માહોલ જોવા મળ્યો. ગ્રામજનો દ્વારા ત્રણેય દિકરીઓનું મોઢુ મીઠુ કરવામાં આવ્યું સાથેજ તેમની પર ફુલોની વર્ષા કરવામાં આવી હતી.
ગામને પાંચેય બહેનો પર ગર્વ
આપને જાણીને નવાઈ લાગશે આ ત્રણેય બહેનોની બે મોટી બહેનો પહેલાથી પ્રશાસન સેવામાં છે. તેમણે પહેલાજ પરીક્ષા પાસ કરી લીધી હતી અને તેઓ આજે સરકારી નોકરી કરી રહી છે. પરંતુ હવે પાંચેય બહેનો RAS બની ગઈ છે. જેથી પરિવાર સિવાય પૂરા ગામને તેમના આજે પાંચેય બહેનો પર ગર્વ છે.
પિતા ગરીબ ખેડૂત
પરિવારની દિકરીઓ ભણગણીને આગળ આવી પરંતુ સાંભળીને તમે ચોંકી જશો કે આ પાંચેય દિકરીઓના પિતા સાધારણ જીવન જીવે છે. તેઓ ભણેલા નથી અને ખેતી કરીને પોતાનું જીવન ગુજારે છે. ગામમાં પાંચમાં ધોરણ પછી શાળા ન હતી. તેમજ તેમના પિતા શહેરમાં ભણવા મોકલી શકે તેવી તેમની પરિસ્થિતી પણ ન હતી જેથી પાંચેય બહેનો આપમેળેજ અભ્યાસ કરીને આગળ વધી હતી.
પિતાને તેમની પુત્રીઓ પર ગર્વ
આજે તેમની દિકરીઓની સફળતા પર તેમના પિતાને ગર્વ છે. પાંચેય બહેનોનું કહેવું છે કે તેમને શરૂઆતથી રાજસ્થાન પ્રશાસનની સેવા કરવાની તૈયારીને લઈને પ્રેરિત કરવામાં આવી હતી. જેનું પરિણામ આજે પોઝિટીવ આવ્યું છે.
પૂર્વ મુખ્યમંત્રીએ શુભકામનાઓ પાઠવી
ઉલ્લેખનીય છે કે પિતા સહદેવ સહારણની પાંચ પુત્રીઓ છે તેમજ એક પુત્ર પણ છે. જેમા એક પુત્રીએ પહેલા 2010માં પરિક્ષા પાસ કરી હતી. અને બીજી પુત્રીએ 2012માં પરીક્ષા પાસ કરી હતી, અને હાલ ત્રણેય પુત્રીઓ એક સાથે સિલેક્ટ થઈ ગઈ છે. જેથી આ મામલે રાજસ્થાનની પૂર્વ મુખ્યમંત્રી વસુંધરા રાજેએ પણ પાંચેય બહેનોને શુભકામનાઓ પાઠવી છે.