આરોપ / ખેડૂતો આંદોલનમાં એક સૌથી મોટું નામ આવ્યું સામે, શું ખરેખર તેનું કનેક્શન માઓવાદી સાથે છે? જાણો હકીકત

• ખેડૂત આંદોલનનું સત્ય
• આંદોલનમાં માઓવાદી એજન્ડા?
• ખેડૂત આંદોલનમાં ડાબેરીઓનો હાથ?

મોદી સરકારના મંત્રીઓ કેટલાક ખેડૂત નેતાઓ પર ડાબેરી કનેક્શન હોવાના આક્ષેપ લગાવી રહ્યા છે. આ ખેડૂત નેતામાં દર્શન પાલનું નામ સામે આવી રહ્યું છે. દર્શન પાલના તાર ખરેખર માઓવાદીઓ સાથે જોડાયેલા છે કે નહીં?

દર્શન પાલ એક માઓવાદી નેતા પણ છે

મીડિયા રિપોર્ટ મુજબ દર્શન પાલ એક ડૉક્ટર હતા. પરંતુ થોડાક વર્ષો પહેલા તેમણે ખેતીને વ્યવસાય તરીકે પસંદ કરી. પરંતુ એ પણ સત્ય છે કે દર્શન પાલ એક માઓવાદી નેતા પણ છે. તેઓ પીપલ્સ ડેમોક્રેટિક ફ્રંટ ઓફ ઈન્ડિયા એટલે કે PDFIના સંસ્થાપક સભ્ય છે. આ સંગઠન તે માઓવાદી ક્રાંતિનું અનુગામી હતું. જેમના નેતૃત્વમાં દેશના વિવિધ વિસ્તારમાં બર્બરતાપૂર્ણ હિંસક કાર્યવાહીઓ કરવામાં આવતી હતી. PDFIની કાર્યકારી સમિતિના 51 સભ્યો હતા. દર્શન પાલ સિવાય વરવરા રાવ, કલ્યાણ રાવ, મેઘા પાટકર, નંદિતા હક્સર, એસ.એ.આર.ગિલાની, બીડી શર્મા પણ PDFIના સંસ્થાપક સભ્ય રહ્યા છે.

PDFIને ટેક્નિકલ યુનાઈટેડ ફ્રંટ એટલે કે TUFનો ભાગ!

હૈદરાબાદની એક સંસ્થાના સ્ટડી રિપોર્ટમાં PDFIને ટેક્નિકલ યુનાઈટેડ ફ્રંટ એટલે કે TUFનો ભાગ માનવામાં આવ્યો છે. માઓવાદીઓએ TUFની સ્થાપના વિવિધ માઓવાદી સંગઠનોને એક કરવા અને પોતાની શક્તિ વધારવા માટે કર્યું હતું. PDFIના કહેવા મુજબ TUFમાં સામેલ અન્ય માઓવાદી સંગઠન ક્રાંતિકારી લોકતાંત્રિક મોર્ચા, મહિલાઓ સામે હિંસા વિરુદ્ધ સમિતિ, રાજનીતિક બંદિયોને છોડવા માટે સ્થાપાયેલી સમિતિ સહિત અન્ય સંગઠનોનો ભાગ છે. આપને જણાવી દઈએ કે મહિલાઓ સામે હિંસા વિરુદ્ધ સમિતિ એ ડાબેરી લેખિકા અને અનેક વખત વિવાદોમાં આવેલી લેખિકા અંરુધતિ રોયનું સંગઠન છે. 

કેન્દ્ર ખેડૂત સંગઠનોમાં ફાળ પડાવવા કામ કરી રહી છે: દર્શન પાલ

દર્શન પાલ ક્રાંતિકારી કિસાન યુનિયનના અધ્યક્ષ અને ઓલ ઈન્ડિયા કિસાન સંઘર્ષ કૉ-ઓર્ડિનેશન કમિટીની કાર્યકારી સમિતિના સભ્ય છે. તે ખેડૂત આંદોલન વચ્ચે પ્રથમ વખત ચર્ચામાં 2 ડિસેમ્બરે આવ્યા હતા. જ્યારે સંસદના વિશેષ સત્રને બોલાવવાની તેમણે માગ કરી હતી. તેમણે કેન્દ્ર સરકાર સમક્ષ માગ કરતા કહ્યું હતું કે, કેન્દ્ર સરકાર નવા કૃષિ કાયદાઓને ધ્વસ્ત કરવા સંસદના વિશેષ સત્ર બોલાવવું જોઈએ. પાલે ત્યારે કહ્યું હતું કે કેન્દ્ર ખેડૂત સંગઠનોમાં ફાળ પડાવવા કામ કરી રહી છે. પરંતુ આવું થઈ નહીં શકે. પાલે જ ડિસેમ્બરમાં સમગ્ર દેશમાં મોદી સરકાર અને ઉદ્યોગપતિઓના પુતળા સળગાવવાનો આઈડિયા આપ્યો હતો.

સરકારનું કહેવું છે કે, ખેડૂતોની માગને અનુરૂપ કાયદાઓમાં સંશોધન માટે તૈયાર

આપને જણાવી દઈએ કે ખેડૂત સંગઠનો ત્રણ નવા કૃષિ કાયદાઓને પાછા ખેંચી લેવાની માગ પર અડેલા છે. ત્યાં સરકારનું કહેવું છે કે ખેડૂતોની માગને અનુરૂપ કાયદાઓમાં સંશોધન માટે તૈયાર છે. પરંતુ કાયદાને ધ્વસ્ત કરી દેવાની માગ ન સ્વીકારી શકાય. સરકાર અને સંગઠનો વચ્ચે અનેક તબક્કાની બેઠકો થઈ ચુકી છે. પરંતુ કોઈ રસ્તો નીકળી શક્યો નથી. સરકારનું કહેવું છે કે પહેલા ખેડૂતો MSPની લેખિત ગેરેન્ટીની માગ સુધી સમિત હતા. અને હવે તેમની માગો વધી ગઈ છે. અને એવી માગો કરી રહ્યા છે કે ગંભીર આરોપોમાં જેલમાં બંધ ઉમર ખાલિદ, શરજીલ ઈમામ, વરવરા રાવ, સુધા ભારદ્વાજ જેવા લોકોને મુક્ત કરવામાં આવે. જેમનું કૃષિ કાયદા સાથે કોઈ લેવા દેવા નથી. આપને ખબર હોવી જોઈએ કે ખેડૂતોએ 9 ડિસેમ્બરે માનવાધિકાર દિવસે આ તમામ આરોપીઓના પ્લેકાર્ડ્સ લહેરાવીને તેમના છૂટકારાની માગણી કરી હતી.

ખેડૂતોના ખભે ફોડાઈ રહી છે બંદુક?

ખેડૂત આંદોલનમાં મોટાભાગના ખેડૂતો છે તેવું આપણી માની લઈએ પરંતુ જો માત્ર ગણ્યાંગાંઠ્યા જો માઓવાદીઓ લોકો આખુ આંદોલન હાઈજેક કરી લે અને ખેડૂતના ખભે બંદુક રાખી ફોડે તો ખેડૂતોએ પોતે ચેતી જવું જોઈએ. ઉમર ખાલિદ, શરજીલ ઈમામ જેવા આરોપીઓએ અનેક વખત દેશદ્રોહી નિવેદન આપ્યા છે. ઉમર ખાલિદ JNUમાં ભારત તેરે ટુકડે હોંગે જેવા સુત્રોચ્ચાર કરી ચર્ચામાં આવ્યો હતો. હવે દેશના આ ગદ્દારોને છોડાવવા માટે ખેડૂત આંદોલનમાં તેમની તસ્વીરો દેખાડવામાં આવે તો આને ખેડૂત આંદોલન કહેવું કે પછી સરકારને બ્લેકમેઈલ કરવાનું આંદોલન ? તે એક સવાલ છે.

પિયુષ ગોયલનો આરોપ- ખેડૂતોની ભીડમાં માઓવાદીઓ અને એલ્ટ્રા લેફ્ટના લોકો પોતાનો એજન્ડા

ક્રાંતિકારી કિસાન યૂનિયનના નેતા દર્શન પાલ હાલ ભાજપના નિશાને છે. દર્શન પાલ એ 40 સંગઠનો સાથે છે જે મોદી સરકારના કૃષિ કાયદાની વિરોધમાં આંદોલન કરી રહ્યા છે. કૃષિ મંત્રી નરેન્દ્રસિંહ તોમર અને રેલવે મંત્રી પિયુષ ગોયેલે થોડાક દિવસો પહેલા મોટો આરોપ લગાવ્યો હતો કે ખેડૂતોની ભીડમાં માઓવાદીઓ અને એલ્ટ્રા લેફ્ટના લોકો પોતાનો એજન્ડા ચલાવી રહ્યા છે.

ખેડૂતોના કેટલાક નેતાઓનું માઓવાદીઓ સાથે કનેક્શનઃ સંબિત પાત્રા

ભાજપના પ્રવક્તા સંબિત પાત્રાએ સોમવારે નામ લઈને કહ્યું હતું કે ખેડૂતોના કેટલાક નેતાઓનું માઓવાદીઓ સાથે કનેક્શન છે. પાત્રાએ કહ્યું હતું કે દર્શન પાલ પીપલ્સ ડેમોક્રેટિક ફ્રંટ ઓફ ઈન્ડિયા એટલે કે PDFIના સંસ્થાપકોમાંથી એક છે. અત્યારે હાલ જેલમાં બંધ ડાબેરી વિચારક વરવરા રાવ તેના સહ સંસ્થાપકોમાંથી એક છે. યુપીએ સરકારે આ સંગઠન પર પ્રતિબંધ લગાવી દીધો હતો. પાત્રાએ પૂછ્યું હતું કે આ શું કરી રહ્યા છો? શું ભાજપના પ્રવક્તાનો આ દાવો સાચો છે? શું કેન્દ્ર સરકારના મંત્રીઓ અને ભાજપના નેતાઓનું આ કહેવું સાચું છે? શું ખેડૂત આંદોલનમાં નકસલી એજન્ડા ચાલી રહ્યો છે?

દુઃખ થાય છે કે જ્યારે ખેડૂતોને આંતકવાદી કહેવામાં આવે છેઃ CM અરવિંદ કેજરીવાલ

આ સવાલોનો જવાબ શોધવો એટલા માટે પણ જરૂરી છે. કારણ કે વિપક્ષ પાર્ટીઓ આ આરોપો પર સરકારની થૂથૂ કરતા થાકતા નથી. દિલ્હીના મુખ્યમંત્રી અરવિંદ કેજરીવાલે સોમવારે કહ્યું હતું કે, દુઃખ થાય છે કે જ્યારે ખેડૂતોને બદનામ કરવા માટે તેમને ખેડૂત આંતકવાદી કહેવામાં આવે છે. દેશદ્રોહી કહેવામાં આવે છે. ખેડૂત ટૂકડે ટૂકડે ગેંગ અને ચીન પાકિસ્તાનના એજન્ટ છે? આ જ ખેડૂતોના ભાઈ, દીકરા ચીન અને પાકિસ્તાન સામે બોર્ડર દેશની રક્ષા કરે છે. જે ખેડૂતોને આતંકી કહે છે તે મનુષ્ય કહેવા લાયક નથી.

આતંકવાદી કહેનારા મનુષ્ય નથી: CM ઉદ્ધવ ઠાકરે

તો મહારાષ્ટ્રના મુખ્યમંત્રી ઉદ્ધવ ઠાકરેએ પણ ભાજપના નેતા અને પૂર્વ મુખ્યમંત્રી દેવેન્દ્ર ફડણવીસ પર નિશાન સાધતા કહ્યું હતું કે આતંકવાદી કહેનારા મનુષ્ય નથી. મહારાષ્ટ્રમાં અઘોષિત ઈમરજન્સી છે તો દિલ્હીમાં શું થઈ રહ્યું છે? તમે અન્નદાતાને આતંકી કહી રહ્યા છો. જે પણ ખેડૂતોને આતંકી કહે છે તે મનુષ્ય કહેવા લાયક નથી.

કેજરીવાલ, ઠાકરે સિવાય અન્ય વિપક્ષી નેતાઓ પણ સરકાર પર હુમલાવર છે. ત્યારે જે ખેડૂત નેતા પર મોદી સરકારના મંત્રીઓ આકરાવાર કરી રહ્યા છે અને તેને માઓવાદી નેતા ગણાવી રહ્યા છે તે દર્શન પાલ આખરે છે કોણ? મંત્રીઓના દાવામાં કેટલો દમ છે? અને શું છે આ દાવાઓનું સત્ય?

મહામંથનમાં જુઓ... ખેડૂતોને ભ્રમિત કોણ કરે છે?