OMG / જુઓ કેવો ગજબના ચોર, લક્ઝરી ગાડીઓ ચોરી કરવા ફ્લાઈટમાં આવતા, જાણો ક્યાંથી પકડાઈ ગેંગ

આરોપીના કહેવા પર ક્રાઇમ બ્રાંચે ડ્રગ્સનો મોટો જથ્થો પણ કબજે કર્યો છે. 

વિશેષ વાત એ છે કે ક્રાઇમ બ્રાંચ સેક્ટર 30 ના અધિકારીઓએ ઈમ્ફાલ આંતરરાષ્ટ્રીય વિમાન મથકથી ફ્લાઇટને ડી-બોર્ડિંગ કરીને નકલી IPSના સાથીદારની ધરપકડ કરી હતી. પોલીસે આ કેસમાં નકલી આઈપીએસ સહિત ચાર લોકોની ધરપકડ કરી છે. ચારેયને કોર્ટમાં રજૂ કરી રિમાન્ડ પર લેવાની તૈયારી ચાલી રહી છે.

ચારેય આરોપી મોટી વાહન ચોર ગેંગ અને ડ્રગ સપ્લાયર ગેંગનો ભાગ

પોલીસના જણાવ્યા અનુસાર ચારેય આરોપી મોટી વાહન ચોર ગેંગ અને ડ્રગ સપ્લાયર ગેંગનો ભાગ છે. હકીકતમાં, 10 સપ્ટેમ્બરે ફરીદાબાદ પોલીસની ક્રાઇમ બ્રાંચ (સેક્ટર 30) એ નકલી આઈપીએસ અબંગ મહેતાબ અને તેના એક સાથી કબીરની ધરપકડ કરી હતી. પૂછપરછ દરમિયાન તેમણે પોલીસને જણાવ્યું હતું કે તેઓ મણિપુરથી ફ્લાઇટમાં દિલ્હી આવતા હતા અને ત્યારબાદ લક્ઝરી ગાડીઓ ચોરી કરીને મણિપુર લઈ જતા હતા.

નકલી આઈપીએસ કાર્ડ બનાવ્યું

મણિપુર ચોરેલી કાર લઇ જતા હતા ત્યારે રસ્તામાં કોઈ તકલીફ ન હોવી જોઇએ, તેથી અબંગે નકલી આઈપીએસ કાર્ડ બનાવ્યું હતું. પોલીસે આ બનાવટી આઈપીએસની રિમાન્ડ પર પૂછપરછ શરૂ કરી હતી ત્યારે તે સ્થળ ઉપરથી ડ્રગ્સનો વિશાળ સ્ટોક પણ મળી આવ્યો હતો. 

પોલીસે 70 હજાર ગોળીઓ, નકલી પોલીસ ડ્રેસ, પોલીસનું સ્ટિકર અને અનેક વાંધાજનક વસ્તુઓ પણ મળી આવી છે.

પોલીસે જણાવ્યું કે, જ્યારે ફરીદાબાદ ક્રાઈમ બ્રાંચના અધિકારીઓ અબંગના અન્ય બે સાથીઓની ધરપકડ કરવા મણિપુર પહોંચ્યા, ત્યારે જાણવા મળ્યું કે આરોપી પૈકી એક આરોપ ગુણાનાનદ ઇમ્ફાલ આંતરરાષ્ટ્રીય વિમાનમથકથી કોલકાતા જતી ફ્લાઇટમાં સવાર હતો. ક્રાઇમ બ્રાંચે તુરંત એરપોર્ટ ઓથોરિટીને જાણ કરી હતી. આ પછી ડી-બોર્ડિંગ કરીને આરોપીની ધરપકડ કરવામાં આવી હતી.

પોલીસના જણાવ્યા અનુસાર અબંગ લક્ઝરી વાહનોની ચોરી અને વેચાણ જ કરતો ન હતો, પરંતુ તે ડ્રગ્સનો મોટો ધંધો પણ ચલાવતો હતો. એસીપી (હેડક્વાર્ટર) આદર્શ દીપે જણાવ્યું કે પોલીસ હવે એ શોધવાની કોશિશ કરી રહી છે કે અબંગની ગેંગમાં અન્ય કોણ સંડોવાયેલ છે. હાલ પોલીસ ચારેય આરોપીઓને કોર્ટમાં રજૂ કરી રિમાન્ડ પર લેવાની તૈયારી કરી રહી છે.