કેટરિના કૈફ, સિદ્ધાંત ચતુર્વેદી અને ઇશાન ખટ્ટરની હોરર-કોમેડી ફિલ્મ 'ફોન ભૂત' રિલીઝ થવાની તૈયારીમાં છે. આ ફિલ્મ 7 ઓક્ટોબર, 2022 ના રોજ થિયેટરોમાં રિલીઝ થવાની છે.
બોલીવુડ સ્ટાર અભિનેત્રી કેટરિના કૈફની ફિલ્મનું પોસ્ટર સામે આવ્યું
અભિનેત્રીની આવનારી ફિલ્મ હોરર-કોમેડી હશે
ફિલ્મનું નામ ફોન ભૂત છે અને તે 7 ઓક્ટોબર 2022 ના રોજ રીલીઝ થશે
કેટરિના કૈફ પણ આવશે લોકોને ડરાવવા
કાર્તિક આર્યન અને કિયારા અડવાણીની હોરર-કોમેડી ફિલ્મ 'ભૂલ ભુલૈયા 2' હજુ પણ થિયેટરોમાં ધૂમ મચાવી રહી છે. OTT પર પણ સ્ટ્રીમ કરવામાં આવી હોવા છતાં, લોકો આ ફિલ્મને થિયેટરોમાં જોવા માટે પસંદ કરી રહ્યા છે. હવે વધુ એક હોરર-કોમેડી ફિલ્મ થિયેટરોમાં રિલીઝ થવા જઈ રહી છે. કાર્તિક આર્યન બાદ કેટરિના કૈફે લોકોને ડરાવવાની તૈયારી કરી લીધી છે.
'ફોન ભૂત'નું પોસ્ટર આવ્યું સામે
કેટરિના કૈફ, સિદ્ધાંત ચતુર્વેદી અને ઇશાન ખટ્ટરની હોરર-કોમેડી ફિલ્મ 'ફોન ભૂત' રિલીઝ થવાની તૈયારીમાં છે. આ ફિલ્મ 7 ઓક્ટોબર, 2022 ના રોજ થિયેટરોમાં રિલીઝ થવાની છે. હવે સવાલ એ ઉભો થાય છે કે શું કેટરીના અભિનેતા કાર્તિકને જોરદાર ટક્કર આપી શકશે કે નહી તે આવનાર દિવસોમાં જ જાણવા મળશે.
આ દિવસે આ ફિલ્મ રિલીઝ થશે
નિર્માતા ફરહાન અખ્તરે 'ફોન ભૂત'નું ઓફિશિયલ પોસ્ટર શેર કરતી વખતે ટ્વીટ કર્યું છે. તે લખે છે, 'ફોન ભૂતોની દુનિયામાં આપનું સ્વાગત છે. 7 ઓક્ટોબર, 2022 ના રોજ તમારી નજીકના થિયેટરોમાં આવી રહ્યા છીએ, "પોસ્ટરમાં કેટરિના, સિદ્ધાંત અને ઇશાન મેચિંગ આઉટફિટ્સ પહેરેલા જોઇ શકાય છે.
આ સ્ટાર્સ ફિલ્મમાં જોવા મળશે
તો બીજી તરફ બેકગ્રાઉન્ડમાં એક સાથે ઘણાં ભૂતો દેખાઈ રહ્યા છે. પોસ્ટરમાં લખ્યું છે, "એક ભયાનક કોમેડી". આ કલાકારો ઉપરાંત ફિલ્મમાં જેકી શ્રોફ, શીબા ચઢ્ઢા, નિધિ બિષ્ટ અને સુરેન્દ્ર ઠાકુર પણ જોવા મળશે. ફિલ્મની વાર્તા રવિશંકરન અને જસવિંદર સિંહ બાથે લખી છે.