IPLIN
 

Newly Wed / લગ્ન દરમિયાન જ સેલિબ્રિટી કપલે કરી લીધી કિસ, ફરહાન શિબાનીના ફોટો વાયરલ, સસરા સાથે ડાન્સ કરતી દેખાઈ અભિનેત્રી

Team VTV 02:22 PM, 23 Feb 22 | Updated: 02:22 PM, 23 Feb 22
Follow us
Farhan Akhtar and shibani dandekar post their marriage photo

ફરહાન અખ્તર અને શિબાની દાંડેકરના લગન્ની તસવીરો આવી સામે, કપલે કિશ્ચન રીત રિવાજ મુજબ કર્યા લગ્ન

  • ફરહાન અખ્તર-શિબાની દાંડેકરના લગ્નના ફોટો
  • શિબાનીએ શેર કર્યા લગ્નના ફોટો
  • યુઝર્સ કરી રહ્યા છે વખાણ 

ફરહાન અખ્તર મિત્રોમાંથી હવે પતિ પત્ની બની ગયા છે. 48 વર્ષીય ફરહાન અખ્તરના આ બીજા લગ્ન છે. 19 ફેબ્રુઆરીએ આ કપલે પ્રભૂતામાં પગલા પાડ્યા હતા જેનો ફોટો હવે સામે આવ્યા છે. શિબાની દાંડેકરે સોશિયલ મીડિયામાં કેટલીક તસવીરો શેર કરી છે જેમાં શિવાનીએ રેડ ગાઉનમાં ખૂબ જ સુંદર લાગી રહી છે. જ્યારે ફરહાન અખ્તર બ્લેક સૂટ પર ગોગલ્સ કેરી કરતો જોવા મળ્યો હતો. આ બંનેની તસવીરોએ હાલ સોશિયલ મીડિયામાં ધૂમ મચાવી છે.

19 ફેબ્રુઆરીએ કર્યા હતા લગ્ન

ફરહાન અખ્તર અને શિબાની દાંડેકરે 19 ફેબ્રુઆરીના રોજ લગ્ન કર્યા હતા. ફરહાન અને શિબાનીના લગ્ન ખૂબ જ ખાનગી હતા. તેના લગ્નમાં માત્ર પરિવાર અને તેના કેટલાક મિત્રો જ હાજર રહ્યા હતા. બંનેના લગ્ન જાવેદ અખ્તરના ફાર્મ હાઉસમાં થયા હતા. બંનેના લગ્નને લઈને ઘણી ચર્ચા થઈ હતી. સોશિયલ મીડિયા પર ફરહાન અને શિબાની દાંડેકરના લગ્નની તસવીરો સામે આવી હતી, જેમાં શિબાની લાલ ગાઉનમાં અને ફરહાન બ્લેક સૂટમાં જોવા મળે છે.

 

ફરહાન અખ્તરે શેર કરી તસવીરો

તસવીરો શેર કરતા ફરહાન અખ્તરે કેપ્શન લખ્યું- 'થોડા દિવસો પહેલા શિબાની દાંડેકર અને મેં અમારા યુનિયનની ઉજવણી કરી હતી. અમારી ગોપનીયતાનું ધ્યાન રાખનારા તમામ લોકોના અમે આભારી છીએ. જો કે, જ્યાં સુધી તેની કેટલીક કિંમતી ઝલક તમારી સાથે શેર કરવામાં ન આવે ત્યાં સુધી આ ઉજવણી અધૂરી છે. અમે હમણાં જ અમારી આ યાત્રા શરૂ કરી રહ્યા છીએ.

શિબાનીએ સસરા સાથે કર્યો ડાન્સ

ફરહાન અખ્તર અને શિબાની દાંડેકરે ફેરા ફર્યા વિના લગ્ન કર્યા હતા એટલે કે  બંનેએ ક્રિશ્ચિયન રીતિ-રિવાજ મુજબ લગ્ન કર્યા હતા. નવી દુલ્હન બનેલી શિબાની દાંડેકરે તેના સસરા જાવેદ અખ્તર સાથે જોરદાર ડાન્સ કર્યો હતો. તેણે પોતે આ ડાન્સની તસવીર શેર કરી છે.

બોલિવુડનો જોવા મળ્યો જમાવડો

ફરહાન અને શિબાનીના લગ્નમાં રિયા ચક્રવર્તી, અમૃતા અરોરા, રિતિક રોશન, સમીર કોચર, ગૌરવ કપૂર, રિતેશ સિધવાની સહિત ઘણા બોલિવૂડ સેલેબ્સ સામેલ થયા હતા લગ્ન બાદ 21 ફેબ્રુઆરીએ કપલે મુંબઈમાં કોર્ટ મેરેજ પણ કર્યા હતા. આ પછી કપલે તેમના ખાસ મિત્રો માટે રિસેપ્શન પાર્ટીનું આયોજન કર્યું હતું, જેમાં તેમના પરિવાર સિવાય ઘણા બોલિવૂડ સ્ટાર્સે હાજરી આપી હતી. આ રિસેપ્શન ઝોયા અખ્તરના ઘરે યોજાયું હતું, જેમાં બોલિવૂડના ઘણા સ્ટાર્સે હાજરી આપી હતી.

Bollywood Farhan Akhtar Shibani Dandekar લગ્નની તસવીરો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ