ધીમી શરૂઆત સાથે શરૂ થયેલાં બિગ બોસ 13એ ટીઆરપીની રેસમાં પોતાની ખાસ જગ્યા બનાવી લીધી છે. બિગ બોસમાં નવા-નવા ટ્વિસ્ટ્સ અને ધમાકેદાર ડ્રામાએ શોને હિટ બનાવી દીધો છે. શોની વધતી ટીઆરપી અને દર્શકોમાં શો પ્રત્યેનો ઉત્સાહ જોઈને બિગ બોસના મેકર્સે શોને 5 સપ્તાહ એક્સટેન્ડ કરી દીધો છે.
બિગ બોસ 13 ટીઆરપી મામલે સૌથી હિટ સીઝન
5 સપ્તાહ એક્સટેન્ડ થશે શો
સલમાનની જગ્યાએ ફરાહ ખાન હોસ્ટ કરી શકે છે શો
શનિવારે વીકેન્ડના વાર એપિસોડમાં બિગ બોસના બધાં જ કન્ટેસ્ટન્ટને ખુશખબરી આપી કે બિગ બોસ સીઝન 13 અત્યાર સુધીની સૌથી હિટ સીઝન સાબિત થઈ છે અને આ શો અપેક્ષા કરતાં વધુ સારું કરી રહ્યો છે. બિગ બોસના કન્ટેસ્ટન્ટને આગળ સરપ્રાઈઝ આપતા જણાવ્યું કે દર્શકોની ડિમાન્ડ પર આ શોને 5 સપ્તાહ એક્સટેન્ડ કરવામાં આવી રહ્યો છે એટલે કે બિગ બોસના ફેન્સ જાન્યુઆરી સુધી નહીં પણ હવે ફેબ્રુઆરી સુધી આ શો જોઈ શકશે.
સલમાને બીજા પ્રોજેક્ટ્સને આપેલી છે ડેટ્સ
દર્શકોને જ્યાં શો એક્સટેન્ડ થવાની ખુશી છે ત્યાં સલમાન ખાન શોમાં જોવા નહીં મળે તેનું દુઃખ પણ છે. શનિવારે વીકેન્ડ કા વાર એપિસોડમાં સલમાન ખાને જણાવ્યું કે શો એક્સટેન્ડ થવા પર તે શો કન્ટિન્યૂ નહીં કરી શકે, કારણ કે સલમાન પાસે ડેટ્સ નથી. સલમાન ખાને આ ખુલાસો કર્યા બાદ શોના બધાં કન્ટેસ્ટન્ટની સાથે બિગ બોસના ફેન્સ પણ નિરાશ થઈ ગયા છે.
GRAND FINALE on February 15
As per the buzz, Host Salman Khan, who has his dates packed for the shooting schedule of Radhe, might opt-out.
Choreographer-filmmaker Farah Khan will most likely step into his shoes for the remaining period.
જ્યારે, બિગ બોસના ફેન ક્લબ પ્રમાણે, બિગ બોસ એક્સટેન્ડ થવા પર સલમાન ખાન શોને હોસ્ટ કરતો જોવા નહીં મળે કારણ કે, તેણે પોતાની અપકમિંગ ફિલ્મ રાધેને ડેટ્સ આપી રાખી છે. આ કારણથી સલમાનની જગ્યાએ ફરાહ ખાન 5 સપ્તાહ માટે શોને હોસ્ટ કરશે.
શોમાં ફરાહ ખાન લઈ શકે છે સલમાનની જગ્યા
તમને જણાવી દઈએ કે આવું પહેલીવાર નથી થઈ રહ્યું કે ફરાહ ખાન સલમાન ખાનની જગ્યાએ શોને હોસ્ટ કરશે. આ પહેલાં પણ સીઝન 8ને જ્યારે એક્સટેન્ડ કરવામાં આવી હતી ત્યારે પણ ફરાહે સલમાનની જગ્યાએ શોને હોસ્ટ કર્યો હતો. ફરાહ ખાન બિગ બોસની બહુ મોટી ફેન છે અને તે આ શોને ફોલો કરે છે. સીઝન 13માં પણ ફરાહ ખાન કન્ટેસ્ટન્ટની ક્લાસ લેતા જોવા મળી ચૂકી છે. આ જ કારણથી મેકર્સ સીઝન 8ની જેમ સીઝન 13માં પણ સલમાન ખાનની જગ્યાએ ફરાહ ખાનને લઈ શકે છે.