અક્ષય કુમારનો એક વીડિયો વાયરલ થઈ રહ્યો છે, જેને જોઈને ફેન્સ સોશિયલ મીડિયા પર તેની ક્લાસ લગાવી રહ્યા છે.
રાત્રે પાર્ટી કરતા જોવા મળ્યા ખિલાડી કુમાર
સોશિયલ મીડિયા પર વીડિયો વાયરલ
ફેન્સે વીડિયો જોઈ લગાવી ક્લાસ
બોલિવૂડનો 'ખિલાડી' અક્ષય કુમાર અત્યારે તેની આગામી ફિલ્મ 'રામસેતુ'ને કારણે ચર્ચામાં છે. વર્ષ 2022 અક્ષય માટે અત્યાર સુધી કંઈ ખાસ સાબિત થયું નથી કારણ કે આ વર્ષે રિલીઝ થયેલી તેની ફિલ્મો બોક્સ ઓફિસ પર ફ્લોપ રહી હતી. આ સાથે અક્ષયને સોશિયલ મીડિયા પર ટ્રોલનો પણ સામનો કરવો પડ્યો હતો.
હવે ફરી એકવાર અક્ષય કુમાર ટ્રોલર્સના નિશાના પર આવ્યા છે અને આ વખતે તેનું કારણ છે તેમનો એક વીડિયો જે સોશિયલ મીડિયા પર વાયરલ થઈ રહ્યો છે. રાત્રે પાર્ટી કરવા માટે અક્ષય કુમારને ટ્રોલ કરવામાં આવી રહ્યો છે.
ડિસિપ્લિન રૂટીનનું પાલન કરે છે અક્ષય
હકીકતે અક્ષય કુમાર એક્ટિંગની સાથે પોતાની ફિટનેલ માટે પણ ખૂબ જ જાણીતો છે. અક્ષય એક ડિસિપ્લિન રૂટીનનું પાલન કરે છે જેમાં રાત્રે વહેલા સૂવું, સવારે વહેલા ઉઠવું અને સ્વસ્થ આહારનો સમાવેશ થાય છે. અક્ષય કુમાર પોતે ઘણા ઈન્ટરવ્યુમાં કહી ચુક્યા છે કે તેને મોડી રાત્રે પાર્ટી કરવી પણ પસંદ નથી.
લેટનાઈ પાર્ટીનો વીડિયો જોઈ ફેન્સે લગાવી ક્લાસ
આવી સ્થિતિમાં જ્યારે અક્ષય કુમારની લેટ નાઈટ પાર્ટીનો વીડિયો સામે આવ્યો ત્યારે ફેન્સે તેની ક્લાસ લેવાનું શરૂ કરી દીધું હતું. અક્ષયના વીડિયો પર કોમેન્ટ કરતાં એક યુઝરે લખ્યું, 'આતો 9 વાગે સૂઈ જાય છે તો તે આ પાર્ટીમાં શું કરી રહ્યો છે?' તે જ સમયે અન્ય એક યુઝરે લખ્યું, 'અક્ષય કુમારે ફેન્સને ખોટું કહ્યું કે તે વહેલા સૂઈ જાય છે.'
અશ્વિનીના બર્થ ડે પાર્ટીનો છે વીડિયો
અક્ષય કુમારનો આ વીડિયો પ્રોડ્યુસર અશ્વિનીની બર્થડે પાર્ટીનો છે. આ પાર્ટીના વેન્યુની બહાર ઉભેલા લોકો પણ અક્ષય કુમારને જોઈને આશ્ચર્યચકિત થઈ ગયા હતા. અક્ષય કારમાંથી નીચે ઉતર્યો કે તરત જ ત્યાં હાજર કેમેરામેન તેની તસવીરો ક્લિક કરવા લાગ્યો. અક્ષય કુમારના લુકની વાત કરીએ તો તે હૂડી અને જીન્સમાં કૂલ લુકમાં જોવા મળ્યો હતો.