સોનુ સૂદની તાજેતરમાં જ રિલીઝ થયેલી ફિલ્મ આચાર્યમાં તેમની એન્ટ્રી પર ફેન્સે પૈસાનો વરસાદ કર્યો. જુઓ આ વીડિયો
હાલમાં જ સોનુ સૂદ ફિલ્મ 'આચાર્ય'માં જોવા મળ્યા
એન્ટ્રી પર ફેન્સે કર્યો પૈસાનો વરસાદ
એક્ટરે શેર કર્યો વીડિયો
હાલમાં જ સોનુ સૂદ ફિલ્મ 'આચાર્ય'માં જોવા મળ્યા
એક્ટર સોનુ સૂદ હાલમાં જ રિલીઝ થયેલ પોતાની ફિલ્મ આચાર્યને લઈને ચર્ચામાં છે. આ ફિલ્મમાં સોનુ સિવાય સાઉથનાં સુપરસ્ટાર ચિરંજીવી અને તેમના પુત્ર રામ ચરણ તેજા પણ લીડ રોલમાં જોવા મળ્યા છે. હાલમાં સોનુ સૂદે એક વીડિયો સોશિયલ મીડિયા પર શેર કર્યો છે. જેમાં સોનુ માટે તેમના ફેન્સનો ક્રેઝ જોવા મળી રહ્યો છે. આ વીડિયો હવાની જેમ વાયરલ થઇ રહ્યો છે.
હું આ પ્રેમને લાયક નથી
સોનુ સૂદે આ વીડિયો શેર કરીને કેપ્શનમાં લખ્યું છે કે મારા પ્રેમાળ ફેન્સ, તમને સૌને ખૂબ ખૂબ ધન્યવાદ. મારી માટે આમ કરવા માટે હું સૌનો આભારી છું. હું ગર્વથી કહું છું કે તમે બધા મારી ફેમિલી છો. હું આ પ્રકારના પ્રેમને લાયક નથી. પરંતુ તમારી દયા મને વધારે પ્રગતિ કરવા માટે પ્રેરિત કરે છે. તમને સૌને ખૂબ જ પ્રેમ.
Thank you so much to my lovely fans who I proudly call my family for doing this for me. I don't deserve this kind of love, but your kindness keeps me going to do better.
Humbled 🙏
સોનુની એન્ટ્રી પર ફેન્સે ઉડાવ્યા પૈસા અને નોટો
વીડિયોમાં જોઈ શકાય છે કે ફિલ્મમાં સોનુ સૂદની એન્ટ્રી થતા જ થીએટરમાં હાજર ફેન્સ સ્ક્રીન પર પૈસાનો વરસાદ અને સેલિબ્રેટ કરવાનું શરુ કરી દે છે. ફિલ્મમાં સોનુ સૂદે મુખ્ય વિલન બાસાવાનો રોલ પ્લે કર્યો છે. વીડિયો એમ પણ જોઈ શકાય છે કે પૈસા ઉપરાંત ફેન્સ સ્ક્રીન પર સોનુ સૂદ માટે હેંડરીટન નોટ્સનો પણ વરસાદ કરી મુકે છે. આ ઉપરાંત વીડિયોમાં ફેન્સને સોનુ સૂદનાં એક મોટા કટ આઉટને દૂધથી નવડાવતા અને તેની સામે ફટાકડા ફોડતા અને ઢોલ પર ડાન્સ કરતા પણ જોઈ શકાય છે.
જણાવી દઈએ કે કોરાતાલા શિવાનાં ડાયરેકશનમાં બનેલ આ ફિલ્મમાં ચિરંજીવી 'આચાર્ય'ની ભૂમિકામાં અને રામચરણ કે જેઓ હાલમાં જ ફિલ્મ RRRને લઈને ચર્ચામાં આવ્યા હતા, તેઓ 'સિદ્ધ'નાં પાત્રમાં જોવા મળે છે. ફિલ્મમાં ચિરંજીવી, રામચરણ અને સોનુ સૂદ ઉપરાંત પૂજા હેગડે અને જીશુ સેનગુપ્તા પણ લીડ રોલમાં છે.