શાહરૂખ ખાનના દિકરા આર્યનની ધરપકડ થઇ ત્યારથી બોલીવૂડ સેલેબ્સ કિંગ ખાનના સપોર્ટમાં આવ્યા છે પરંતુ હવે એક્ટરને તે જગ્યાએથી સપોર્ટ આવ્યો છે જેની તેને સૌથી વધારે જરૂર હતી.
શાહરૂખ ખાનના સપોર્ટમાં આવ્યા સ્ટાર્સ
ફેન્સનો પ્રેમ શાહરૂખ માટે વધી ગયો
મન્નત બહાર પોસ્ટર મૂકીને કર્યો સપોર્ટ
શાહરૂખના ઘરની બહાર પોસ્ટર
આ મુશ્કેલ સમયમાં શાહરૂખ ખાનને સપોર્ટ કરવા માટે ઇન્ડસ્ટ્રીમાંથી લોકો આવી રહ્યાં છે પરંતુ એક્ટરના ફેન્સે તેમના માટે એક મેસેજ લખીને પોસ્ટર મન્નત બહાર મૂક્યું છે. જેમાં તેમના ફેવરિટ એક્ટર માટે ખાસ મેસેજ લખ્યો છે.
શાહરૂખ માટે ખાસ મેસેજ
શાહરૂખના ફેન્સે લખ્યું કે, અમે દુનિયાના ખૂણા ખૂણામાંથી તમને પસંદ કરનારા વ્યક્તિઓ તમને કોઇ પણ પ્રકારના સ્વાર્થ વગર ચાહીએ છીએ. પરીક્ષાની આ ઘડીમાં અમે તમારી સાથે ઉભા છીએ. ટેક કેર કિંગ.
— Shah Rukh Khan Universe Fan Club (@SRKUniverse) October 5, 2021
શાહરૂખના ફેન ક્લબે આ ટ્વિટ કર્યું છે જેમાં એક વ્યક્તિએ રિપ્લાય કર્યો છે કે, ગમે તે થઇ જાય અમે તમારી સાથે ઉભા છીએ શાહરુખ ખાન. દુનિયાના કોઇ પણ ખુણામાં પેરેન્ટ તો પેરેન્ટ જ હોય છે. આપણા બાળકને કંઇ પણ થાય તો પેરેન્ટ અમીર હોય ગરીબ હોય પણ તેને દુઃખ થાય જ છે. સપોર્ટ ખુબ મહત્વનો છે અને પેરેન્ટ્સ SRK અને ગૌરી માટે અમે હંમેશા ઉભા છીએ.
સેલેબ્સ પહોંચ્યા મન્નત
ભાઇજાન બાદ તેની ભાભી સીમા ખાન અને બહેન અલવિરા ખાન શાહરુખ તેમજ ગૌરીને મળવા પહોંચી ગયા હતા. સાથે સંજય કપુર અને પત્ની મહિપ કપુર પણ હાજર હતી. સોશ્યલ મીડિયામાં કેટલીક તસવીર વાયરલ થઇ રહી છે જેમાં અલગ અલગ કારમાં લોકો મન્નતમાં જતા જોવા મળી રહ્યાં છે.
આર્યન ખાને કર્યા ખુલાસા
આર્યનની પૂછપરછ દરમિયાન તેણે શાહરુખના બિઝી શેડ્યુલ વિશે જાણકારી આપી છે. તેણે કહ્યું કે પપ્પા હમણા 3 ફિલ્મોની શૂટિંગ કરી રહ્યાં છે અને અપકમિંગ ફિલ્મ પઠાણને લઇને ખુબ મહેનત કરી રહ્યાં છે. આર્યને કહ્યું મારા પપ્પા એટલા બિઝી રહે છે કે ઘણીવાર મારે તેમને મળવા માટે તેમની મેનેજર પૂજા પાસે અપોઇન્ટમેન્ટ લેવી પડે છે ત્યારે જઇને હું શાહરુખને મળી શકું છું.