WC 2019 / આવતીકાલની મૅચની ટિકિટના ભાવે તો ભારત-પાક વખતનો પણ રેકોર્ડ તોડ્યો, વેચાઈ રહી છે આટલામાં

વર્લ્ડકપમાં રવિવારે ભારત અને ઇંગ્લેન્ડની વચ્ચે રમાનારી મેચ માટે ટિકીટોની મારામારી થઇ રહી છે. ઇંગ્લેન્ડના દર્શક આ મેચ માટે મોં માંગી કિંમત આપવા માટે તૈયાર છે. કહેવામાં આવી રહ્યું છે કે એક ટિકીટ માટે લોકો છ ગણી વધારે કિંમત આપવા તૈયાર છે. 

આ મેચ માટે તમામ ટિકીટ પહેલાથી વેચાઇ ચુકી છે, પરંતુ જે લોકો આ મેચને જોવા નહીં જઇ રહ્યા એ પોતાની ટિકીટોને કેટલીક વેબસાઇટ્સ દ્વારા વેચી રહ્યા છે. 235 પાઉન્ડની પ્લેટિનિમ ટિકીટ 1300 પાઉન્ડમાં વેચાઇ રહી છે. એટલે કે ભારતીય રૂપિયામાં 20 હજારીની ટિકીટ લોકો એક લાગ 13 હજારમાં ખરીદી રહ્યા છે. જ્યારે 150 પાઉન્ડની ગોલ્ડ ટિકીટ 900 પાઉન્માં વેચાઇ રહી છે. એટલે કે ભારતીય રૂપિયામાં 13000 ની ટિકીટ આશરે 78 હજાર રૂપિયામાં લોકો ખરીદી રહ્યા છે. 

એજબેસ્ટનના મેદાન પર રવિવારે અડધાથી વધારે ફેન્સ ભારતના હશે. આઇસીસી પ્રમાણે 55 ટકા ટિકીટ ભારતીય દર્શકોએ પહેલા જ ખરીદી લીધી છે. એજબેસ્ટનમાં સ્ટેડિયમની ક્ષમતા 24200 દર્શકો માટે છે. 

વર્લ્ડકપમની મેચોમાં ટિકીટ માટે ગત વર્ષે જ આઇસીસીએ રજિસ્ટ્રેશનની પ્રક્રિયા શરૂ કરી હતી. 8 લાખ ટિકીટો માટે 30 લાખ લોકોએ અરજી કરી હતી. ઇંગ્લેન્ડમાં ઘણી એવી વેબસાઇટ છે જે લોકો ટિકીટ લઇને રિસેલ કરે છે