બોલિવૂડ એક્ટર સંજય દત્ત લંગ કેન્સરનો ઈલાજ કરાવી રહ્યો કરી રહ્યો છે. એક્ટરે 11 ઓગસ્ટ 2020ના રોજ પોતાને લંગ કેન્સર હોવાની જાણકારી ફેન્સ સાથે શેર કરી હતી. આ બીમારીનું નિદાન થતાં જ સંજય દત્તે તેની ટ્રીટમેન્ટ લેવાની શરૂ કરી દીધી છે. તે હાલમાં જ ફેમિલી સાથે દુબઈ ગયો હતો અને ત્યાંથી પરત આવ્યા બાદ હોસ્પિટલ ચેકઅપ માટે ગયો હતો. જેની એક તસવીર સોશિયલ મીડિયા પર ખૂબ જ વાયરલ થઈ રહી છે.
સંજય દત્ત લંગ કેન્સરનો ઈલાજ કરાવી રહ્યો કરી રહ્યો છે
આ બીમારીનું નિદાન થતાં જ સંજય દત્તે તેની ટ્રીટમેન્ટ લેવાની શરૂ કરી દીધી
હાલમાં જ તેની એક તસવીર વાયરલ થતાં ફેન્સ ચિંતામાં
હકીકતમાં સંજય દત્તે હોસ્પિટલમાં એક ફેન સાથે તસવીર ખેંચાવી જે વાયરલ થઈ રહી છે. તસવીરમાં સંજય દત્ત ખૂબ જ નબળો અને અલગ જ દેખાઈ રહ્યો છે. ક્લિન શેવ સાથે તે બદલાયેલો દેખાઈ રહ્યો છે. આ તસવીર સામે આવ્યા બાદ ફેન્સની ચિંતા વધી ગઈ છે અને તેઓ બાબા માટે દુઆ કરી રહ્યાં છે. સંજય દત્ત તેના વર્ક શેડ્યૂલમાંથી બ્રેક લઈને પોતાનો ઈલાજ કરાવી રહ્યો છે.
તમને જણાવી દઈએ કે, ગયા અઠવાડિયે જ સંજય દુબઈથી પરત આવ્યો અને તેણે તેની ટ્રીટમેન્ટનો એક ફેઝ પૂરો કરી લીધો છે. દુબઈમાં ફેમિલી સાથે એન્જોય કરતી તસવીરો પણ વાયરલ થઈ હતી.
સંજય દત્તની આવનારી ફિલ્મોની વાત કરીએ તો એક્ટર ટૂંક સમયમાં ફિલ્મ KGF ચેપ્ટર 2, રણબીર કપૂર સાથે શમશેરા, ભૂજઃ ધ પ્રાઈડ ઓફ ઈન્ડિયામાં જોવા મળશે. સંજય દત્ત છેલ્લીવાર ડિરેક્ટર મહેશ ભટ્ટની ફિલ્મ સડક 2માં જોવા મળ્યો હતો.