કિંગ ખાનનો બર્થડે / VIDEO: અડધી રાતે મન્નતની બહાર ફેન્સની પડાપડી, SRKએ બે હાથ જોડી આ રીતે કહ્યું થેન્ક-યુ 

• દુનિયાના ત્રીજા સૌથી અમીર એક્ટર શાહરુખ ખાનનો જન્મદિવસ
• અડધી રાતે મન્નતની બહાર ફેન્સની પડાપડી
• SRKએ બે હાથ જોડી આ રીતે કહ્યું થેન્કયુ

આજે બોલિવૂડના બાદશાહ શાહરૂખ ખાન પોતાનો 57મો જન્મદિવસ ઉજવી રહ્યો છે. જેને લઈ દર વર્ષની જેમ આ વર્ષે પણ શાહરૂખ ખાનના ઘર મન્નતની બહાર મોટી સંખ્યામાં ચાહકો જોવા મળ્યા હતા. તમામ ચાહકો તેમના પ્રિય અભિનેતાની એક ઝલક મેળવવા માટે ઉત્સુક હતા. આ દરમ્યાન કિંગ ખાને પણ તેમને નિરાશ ન કર્યા અને તેણે અડધી રાત્રે તેના ચાહકોને આશ્ચર્યચકિત કર્યા.

શાહરૂખ તેના નાના પુત્ર અબરામ સાથે મન્નતની ટેરેસ પર પહોંચ્યો હતો અને હાથ મિલાવીને તેના ચાહકોનો આભાર માન્યો હતો. આ પછી તેણે પોતાની સિગ્નેચર સ્ટાઈલ પણ બતાવી. આ તરફ શાહરૂખને જોઈને ચાહકો આનંદથી ઉછળી પડ્યા હતા. બધાએ એસઆરકેને જન્મદિવસની શુભેચ્છા પાઠવી. સોશિયલ મીડિયા પર વાયરલ થઈ રહેલા વીડિયોમાં શાહરૂખ ખાન તેના ટેરેસ પરથી ફેન્સનું અભિવાદન કરતો જોવા મળ્યો હતો. આ દરમિયાન કિંગ ખાન બ્લેક ટી-શર્ટ અને બ્લુ જીન્સમાં જોવા મળ્યો હતો. તો અબરામે સફેદ ટી-શર્ટ અને શોર્ટ્સ પહેર્યા હતા. આ દરમિયાન શાહરૂખે તેના ટેરેસ પર તેના ફેન્સ સાથે સેલ્ફી પણ લીધી હતી.

#WATCH | Mumbai: Actor Shah Rukh Khan & his son AbRam wave at the fans who gathered outside his residence 'Mannat' in large numbers to catch a glimpse of him, on Shah Rukh Khan's 57th birthday. pic.twitter.com/8uDi9X0ETQ

— ANI (@ANI) November 1, 2022

તમને જણાવી દઈએ કે શાહરૂખનો જન્મદિવસ કોઈ તહેવારથી ઓછો નથી. અભિનેતાને જન્મદિવસની શુભેચ્છા આપવા માટે બે દિવસથી દુનિયાભરમાંથી ચાહકો મુંબઈ પહોંચી રહ્યા હતા. આ દરમિયાન ચાહકોએ આતશબાજી પણ કરી અને તેમના ફેવરિટ અભિનેતા માટે વી લવ શાહરૂખના નારા લગાવ્યા. આ દરમિયાન ફેન્સે અભિનેતાની દરેક હિલચાલને કેમેરામાં કેદ કરી અને તેને સોશિયલ મીડિયા પર શેર પણ કરી.

 

 

 

 

View this post on Instagram

 

 

 

 

 

 

 

 

 

 

 

A post shared by Manav Manglani (@manav.manglani)

મહત્વનું છે કે, રોમાન્સ કિંગના નામથી ફેમસ શાહરૂખના દુનિયાભરમાં કરોડો ફેન્સ છે. વર્ક ફ્રન્ટની વાત કરીએ તો શાહરૂખ ખાન ટૂંક સમયમાં દીપિકા પાદુકોણ અને જોન અબ્રાહમ સાથે સિદ્ધાર્થ આનંદની ફિલ્મ 'પઠાણ'માં જોવા મળશે. રિપોર્ટ્સનું માનીએ તો પઠાણનું ટીઝર તેના જન્મદિવસ પર રિલીઝ કરવામાં આવશે. તેની પાસે વિજય સેતુપતિ અને નયનતારા સાથે 'ઇટલી કા જવાન' પણ છે. આ સિવાય અભિનેતા પાસે તાપસી પન્નુ સાથે રાજકુમાર હિરાનીની 'ડંકી' પણ છે.