ઈંગ્લેન્ડ સામેની મેચમાં ડેબ્યૂ કરનાર આઝમ ખાન તેના પ્રદર્શનના બદલે નહીં પણ વજનને લઈને સોશિયલ મીડિયામાં ચર્ચાનો વિષય બન્યો.
110 કિલોના ક્રિકેટરની ઊડી મજાક
મોઈન ખાનનો પુત્ર થયો સોશિયલ મીડિયા પર ટ્રોલ
કોઈપણ રમતમાં ફિટનેસ અત્યંત જરૂરી
હાફિજ આઝમ કરતાં યંગ અને ફિટ દેખાય છે
કોઈપણ રમતમાં ફિટનેસ ખૂબ જ અગત્યની ભૂમિકા ભજવે છે તેવામાં પાકિસ્તાનના પૂર્વ કપ્તાન મોઈન ખાનનો પુત્ર આઝમ ખાન તેના વજનને લીધે આલોચનાઓમાં દબાઈ ગયો છે. લોકોએ તો 22 વર્ષના આઝમને 40 વર્ષના મોહમ્મદ હાફિજ સાથે સરખાવતા એવી ટીકાઓ પણ કરી કે હાફિજ આઝમ કરતાં યંગ અને ફિટ દેખાય છે.
આજમનું વજન પેહલા 140 કિલો જેટલું હતું
આઝમખાનનું વજન લગભગ 110 કિલો જેટલું છે. તમને જાણીને નવાઈ લાગશે કે, આજમનું વજન આ પેહલા 140 કિલો જેટલું હતું. પાકિસ્તાનની ટીમમાં સ્થાન મેળવવા માટે આજમે 30 કિલો જેટલું વજન ઘટાડવું પડ્યું પરંતુ હજી પણ લોકો સોશિયલ મીડિયામાં તેના વજનનો મજાક ઉડાવી રહ્યા છે. ટ્વિટર પર આજમના મિમ્સ વાઇરલ થઈ રહ્યા છે.
કોઈપણ રમતમાં ફિટનેસ ખૂબ જ જરૂરી હોય છે
પાકિસ્તાનની ટીમને આજમની ફિટનેસને લઈને સહેજ પણ શંકા નથી પરંતુ આલોચકોને બોડી શેમિંગના નામે કોઈ ખેલાડીના મનોબળને તોડવા માટેનો એક વિષય મળી ગયો છે. આ પહેલા જ્યારે વેસ્ટઇંડીજના ક્રિકેટર રાહકીમ કોર્નવેલે આંતરરાષ્ટ્રીય સ્તરે ડેબ્યૂ કર્યું હતું ત્યારે પણ લોકોએ તેના શરીરને લઈને અઢળક ટીકાઓ કરી હતી. આંતરરાષ્ટ્રીય સ્તરે પોતાના દેશ માટે કોઈપણ રમત રમવા માટે સારી ફિટનેસ હોવી એ ખૂબ જ અગત્યની છે.
Hafeez Bhai is looking young and more fit than Azam Khan.
It seems Azam have put on some weight... pic.twitter.com/REznmsRFWF
આઝમ આલોચકોને પોતાની બૅટિંગથી જવાબ આપવા આતુર
આઝમખાન એક આક્રમક બેટ્સમેન છે. તેણે પાકિસ્તાનની ઘરેલુ ક્રિકેટમાં સદંતર સારું પ્રદર્શન કર્યું છે. આજમે પાકિસ્તાન સુપર લીગ અને શ્રીલંકા પ્રીમિયર લીગમાં પણ આક્રમક બેટિંગ સાથે ઘણી યાદગાર ઇનિંગ રમી છે. આજમના આ ફોર્મના લીધે જ તેનું સિલેક્શન પાકિસ્તાનની ટીમમાં થયું હતું. પ્રથમ મેચમાં આજમને પોતાની પ્રતિભા દેખાડવાની વધુ તકો ન મળી પરંતુ બાકીની મેચમાં તે ઇચ્છશે કે, આલોચકોને પોતાની બૅટિંગથી જવાબ આપે.