સોશિયલ મીડિયા પર એક લગ્નની કંકોત્રી વાયરલ થઈ રહી છે. કંકોત્રી પર લખેલો ડાયલોગ જોઈને લાગી રહ્યું છે કે આ શખ્સ સુપરસ્ટાર યશનો ફેન છે.
બોક્સ ઓફિસ પર રોજ નવા રેકોર્ડ બનાવે છે KGF-2
સોશિયલ મીડિયા પર વાયરલ લગ્ન કંકોત્રી
કંકોત્રી પર ફિલ્મ KGF-2નો ફેમસ ડાયલોગ લખેલો છે
યશ સ્ટારર KGF-2 દર્શકોને ખૂબ જ પસંદ આવી રહી છે. ફિલ્મ બોક્સ ઓફિસ પર દરરોજ નવા રેકોર્ડ બનાવી રહી છે. આ ફિલ્મનો ચાહકોમાં એટલો ક્રેઝ બની ગયો છે કે લોકો તેમના લગ્નના કાર્ડમાં યશના આઇકોનિક ડાયલોગ છપાવી રહ્યા છે.
હકીકતે રોકી ભાઈના એક ફેને તેના લગ્નની કંકોત્રી પર લગ્ન અનુસાર 'હિંસા' ડાયલોગને રિક્રિએટ કર્યો છે. લગ્નના કાર્ડનો આ ફોટો સોશિયલ મીડિયા પર વાયરલ થઈ રહ્યો છે અને લોકો તેને રોકી ભાઈનો ક્રેઝ કહી રહ્યા છે.
લગ્નના કાર્ડ પર KGF-2નો ડાયલોગ રી-ક્રિએટ કર્યો
આ સમયે KGFનો ડાયલોગ ખૂબ જ ચર્ચામાં છે, જે છે 'વાયલંસ... વાયલંસ... વાયલંસ...આઈ ડોન્ટ લાઈક ઈટ. આઈ અવોઈડ ઈટ! બટ...વાયલંસ લાઈક્સ મી એન્ડ આઈ કાન્ટ અવોઈડ ઈટ'.
આ વેડિંગ કાર્ડને જોઈને લાગે છે કે આ કાર્ડ 'KGF 2'ના કોઈ ફેન દ્વારા તેમના લગ્ન માટે પ્રિન્ટ કરવામાં આવ્યું છે. આ કાર્ડની ખાસ વાત તેના પર લખેલું કેપ્શન છે, જેને વાંચીને લોકો હસી રહ્યા છે.
કાર્ડ પર લખેલો છે ડાયલોગ
આ વેડિંગ કાર્ડના કેપ્શનમાં લખ્યું છે, 'મેરેજ... મેરેજ... મેરેજ, આઈ ડોન્ટ લાઈક ઈટ, આઈ અવોઈડ, બટ... માય ફેમિલિ લાઈક મેરેજ આઈ કાન્ટ અવોઈડ. લગ્નની આ કંકોત્રી સોશિયલ મીડિયા પર ખૂબ વાયરલ થઈ રહી છે. તમને જણાવી દઈએ કે તેમાં વર-કન્યાનું નામ, લગ્નનો સમય અને સ્થળ લખેલું છે.