બૉલીવુડ સ્ટાર દીપિકા પાદુકોણ , અનન્યા પાંડે અને સિદ્ધાંત ચતુર્વેદી ટૂંક સમયમાં શકુન બત્રાની આવનારી ફિલ્મમાં સાથે જોવા મળશે. ફિલ્મમાં સિદ્ધાંત દીપિકા અને અનન્યા બંને સાથે રોમાન્સ કરતો જોવા મળે શકે છે. જો કે આ ખબર બાદ દીપિકાના એક હાર્ડકોર ફેન દ્વારા સિદ્ધાંત ચતુર્વેદીને જીવથી મારી નાખવાની ધમકી આપી હતી.
જયારે સિદ્ધાંતે પોતાની ફિલ્મની જાહેરાત કરી હતી ત્યારે તેના ઇન્સ્ટાગ્રામ પેજ ઉપર એક ફેને કોમેન્ટ કરી હતી કે ભાઈ તને તો દીપિકા સાથે રોમાન્સ કરવાનો મોકો મળી ગયો. હું તારું ખૂન કરી નાખીશ.
આ કોમેન્ટનો જવાબ સિદ્ધાંતે તેના છેલ્લા ઇન્ટરવ્યૂમાં આપ્યો. તેને કહ્યું બરાબર છે યાર હું શું કરું? એક વાર રોમાન્સ કરી લેવા દે મને પછી તું મારુ ખૂન કરી નાખજે. ત્યાર બાદ તો દીપિકા સાથે રોમાન્સ કરતા કરતા હું પોતે જ મારી જઈશ.
નોંધનીય છે કે આ ફિલ્મ એક મોર્ડન લવ સ્ટોરી હોઈ શકે છે. ફિલ્મમાં સિદ્ધાંત અને દીપિકા લીડ રોલમાં હશે અને અનન્યા સેકન્ડ લીડ રોલમાં હશે. આ ફિલ્મ એક રોમાન્ટિક કોમેડી છે. શકુન બત્રા અને કરણ જોહર આ ફિલ્મ માટે એક નવી સ્ટારકાસ્ટ ઇચ્છતા હતા માટે જ તેમણે આ ફિલ્મમાં અનન્યા અને સિદ્ધાંતને કાસ્ટ કરવાનો નિર્ણય કર્યો.