ભારતીય ખેલાડી દીપક ચાહરનાં ઝીમ્બાબ્વેનાં ફેન્સે વખાણ કરતા કહ્યું કે તે ખૂબ જ વિનમ્ર છે.
ઝીમ્બાબ્વે સામે ભારતે 10 વિકેટથી પ્રાપ્ત કરી હતી જીત
ઝીમ્બાબ્વેની ફેને કર્યા દિપક ચાહરનાં વખાણ
અમે ફેન્સને મિસ કર્યા : ચાહર
ઝીમ્બાબ્વે સામે ભારતે 10 વિકેટથી પ્રાપ્ત કરી હતી જીત
ટીમ ઇન્ડિયાએ ગુરુવારે હરારેમાં રમવામાં આવેલ મેચમાં ઝીમ્બાબ્વેને દસ વિકેટથી માત આપી હતી. ભારતીય ટીમની જીતમાં પ્લેયર ઓફ ધ મેચ બનેલા દિપક ચાહરનો મુખ્ય રોલ રહ્યો હતો. ઈજા બાદ પણ કમબેક કરી રહેલ દિપકે ત્રણ વિકેટ લઈને ઝીમ્બાબ્વે ટીમની કમર તોડી હતી. હવે ભારતીય ટીમની કોશિશ શનિવારે એટલે કે આજે થનાર બીજા મુકાબલામાં જીત મેળવવાની હશે.
ફેને ચાહરને લઈને કહી આ મોટી વાત
પહેલા મુકાબલામાં શાનદાર સ્પેલ નાંખ્યા બાદ દિપક ચાહરે ભારતીય ફેન્સ સાથે સાથે ઝીમ્બાબ્વેનાં દર્શકો સાથે પણ ફોટા પડાવ્યા. આ દરમિયાન, ઝીમ્બાબ્વેની એક મહિલા ફેન ભારતીય સ્ટારના આ વ્યવહારથી ઘણી ખુશ જોવા મળી. મહિલા ફેને કહ્યું કે ઘણું સારું લાગી રહ્યું છે. સાચું કહું તો દિપક ચાહર ઘણા વિનમ્ર છે. તેમની તરફથી એ ખૂબ જ સારું કહેવાય કે તેમણે મને ટચ કરવાની પરવાનગી આપી, જે અસામાન્ય છે કેમકે લોકો હંમેશા સહજ નથી હોતા. પરંતુ આ ઘણું મિલનસાર છે.
અમે ફેન્સને મિસ કર્યા : ચાહર
દિપક ચાહરે પહેલી મેચ બાદ પ્રેસ કોન્ફરન્સમાં કહ્યું કે પ્રશંસકો સાથે વાતચીત કરવું ખૂબ જ સારું લાગે છે. કોવિડ 19નાં સમયમાં અમે વાસ્તવમાં પ્રશંસકોને મિસ કર્યા કેમકે અમને ચીયર કરનાર કોઈ જ ન હતું. તમને ઘણો પ્રયાસ કરવા માટે ભીડ પાસેથી સપોર્ટની જરૂર હોય છે, ખાસકરીને એક દિવસીય અને ટેસ્ટ જેવા લાંબા ફોર્મેટ માટે. જ્યારે પ્રશંસકો હોય છે, ત્યારે તમે તેમના માટે રમો છો.