પૂર્વ ભારતીય ક્રિકેટર અમિત મિશ્રાની દિલેરી કોઈથી અજાણી નથી. આંખની પણ ઓળખાણ ન હોય તેવા લોકોને મદદ કરતા અમિત મિશ્રા કદી પણ અચકાતો નથી. અમિત મિશ્રાની દરિયાદિલી ફરી વાર સામે આવી છે જેમાં એક યુવાને ટ્વિટર પર તેની ગર્લફ્રેન્ડને ફરવા લઈ જવા માટે 300 રુપિયા માગવામાં આવતા અમિતે તેને તેનાથી પણ વધારે 500 રુપિયા ગૂગલ પે કરી આપ્યાં હતા અને સાથે પણ શુભચ્છા પણ આપી.
સુરેશ રૈનાના વીડિયો પર અમિત મિશ્રાએ કરી કોમેન્ટ
પૂર્વ ભારતીય બેટ્સમેન સુરેશ રૈના હાલમાં રોડ સેફ્ટી વર્લ્ડ સિરીઝમાં રમી રહ્યો છે. રૈનાએ સેમિ ફાઈનલમાં ઓસ્ટ્રેલિયા લિજેન્ડ્સ સામે હવામાં ડાઈવ લગાવીને પોઈન્ટ તરફ શાનદાર કેચ ઝડપ્યો. રૈનાનો આ વીડિયો સોશિયલ મીડિયા પર ખૂબ જ વાયરલ થયો હતો. આવી સ્થિતિમાં અમિત મિશ્રાએ પણ પોતાના ટ્વિટર હેન્ડલ પરથી આ વીડિયો શેર કર્યો અને લખ્યું, 'ભાઈ સુરેશ રૈના, શું હું તમારી પાસેથી ટાઈમ મશીન ઉધાર લઈ શકું? તને જૂના જમાનાની જેમ ફિલ્ડિંગ કરતો જોઈને મંત્રમુગ્ધ કરી દે તેવું લાગે છે. અમિત મિશ્રાના આ વીડિયો પર એક યૂઝરે તેની પાસેથી ગર્લફ્રેન્ડને ફરવા લઈ જવા 500 રુપિયા માગ્યા હતા.
યૂઝર 300 રુપિયા માગ્યા, અમિતે 500 મોકલી આપ્યાં
અમિત મિશ્રાના આ ટ્વીટ પર એક યૂઝરે લખ્યું, 'સર 300 રૂપિયા ગૂગલપે કર દો ગર્લફ્રેન્ડને ફરવા લઈ જવી છે. યુઝરની માગ સાંભળીને જરા પણ વિચાર કર્યાં વગર અમિતે તાત્કાલિક તેને યુપીઆઈ મોકલી આપવાનું કહ્યું કે અને યુપીઆ આવતા તેણે 300 નહીં 500 રુપિયા ગૂગલ પે કરી દીધા હતા.
અમિત લખ્યું, ડન, ડેટ માટે ઓલ ધ બેસ્ટ
પૂર્વ ક્રિકેટર અમિતે 500 રુપિયા આપ્યાં બાદ યુઝરને અભિનંદન પણ આપ્યાં હતા. 500 રૂપિયાના ટ્રાન્સફરનો સ્ક્રીન શોટ કરતા અમિત લખ્યું કે ડન, ડેટ માટે ઓલ ધ બેસ્ટ.