પ્રખ્યાત સિંગર કૃષ્ણ કુમાર કુન્નથ ઉર્ફે KKનું કોલકાતામાં નિધન, કોન્સર્ટ દરમિયાન તબિયત બગડી, હોસ્પિટલમાં મૃત જાહેર
સિંગર કૃષ્ણ કુમાર કુન્નથનું નિધન
કોલકત્તામાં કોન્સર્ટ દરમિયાન આવ્યો હાર્ટ એટેક
સિંગિંગ જગતમાંથી દુખદ સમાચાર સામે આવી રહ્યા છે. પ્રખ્યાત ગાયક કેકે ઉર્ફે કૃષ્ણ કુમાર કુન્નાથનું નિધન થયું છે. તેઓ કોલકાતામાં એક કોન્સર્ટ કરવા ગયા હતા.પરંતુ કોન્સર્ટમાં અચાનક તેમની તબિયત લથડી અને તેઓ ઢળી પડ્યા. તેમને તાત્કાલિક નજીકની હોસ્પિટલમાં લઈ જવામાં આવ્યા હતા. પરંતુ તબીબોએ મૃત જાહેર કર્યાં હતા.KKનું નિધનના સમાચારથી હાલ દેશભરમાં તેમના ચાહકોમાં શોકની લાગણી છવાઈ છે.
કૃષ્ણ કુમાર કુન્નથ ઉર્ફે KK કોણ છે?
કૃષ્ણકુમાર કુન્નાથ (23 ઓગસ્ટ 1968 – 31 મે 2022) કેકે તરીકે જાણીતા હતા એક ભારતીય પ્લેબેક સિંગર હતા. તેમણે હિન્દી, તમિલ, તેલુગુ, કન્નડ, મલયાલમ, મરાઠી, બંગાળી, આસામી અને ગુજરાતી ભાષાઓની ફિલ્મોમાં ગીતો રેકોર્ડ કર્યા છે. તેઓ તેમની પેઢીના સૌથી બહુમુખી ગાયકોમાંના એક તરીકે ગણવામાં આવે છે. 31મી મે 2022ની રાત્રે કૉલેજ ફેસ્ટમાં પર્ફોર્મ કરતી વખતે કોલકાતાના નઝરુલ મંચ ખાતે કાર્ડિયાક અરેસ્ટથી તેમનું અવસાન થયું છે.
PM મોદીએ દૂખ વ્યક્ત કર્યું
પીએમ મોદીએ જાણીતા સિંગર કેકેના નિધન પર શોક વ્યક્ત કર્યો, ટ્વીટ કરી કહ્યું તેમના ગીતો દરેક વય જૂથના લોકો સાથે જોડાયેલી લાગણીઓને પ્રતિબિંબિત કરે છે
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
કયા કયા ગીતોથી હતા kk ફેમસ?
કેકેના ગીતો પૈકી જે તેમના ચાહકોમાં ખૂબ જ પ્રિય હતા, 'યારોં' ખૂબ ચર્ચામાં હતું. આ સિવાય સલમાન ખાન, અજય દેવગન અને ઐશ્વર્યા રાયની ફિલ્મ હમ દિલ દે ચૂકે સનમના ગીત 'ટડપ તડપ કે ઇસ દિલ'એ અનોખી છાપ છોડી હતી. આ સાથે જ ફિલ્મ બચના-એ-હસીનનું 'ખુદા જાને', ફિલ્મ કાઈટ્સનું 'ઝિંદગી દો પલ કી', ફિલ્મ જન્નતનું 'ઝરા સા', ફિલ્મ ગેંગસ્ટરનું 'તુ હી મેરી શબ હૈ', શાહરૂખ ખાનની ફિલ્મનું ઓમ શાંતિ ઓમ.આ ઉપરાંત ફિલ્મ 'આંખો મેં તેરી અજબ સી', બજરંગી ભાઈજાનનું 'તુ જો મિલા', ફિલ્મ ઈકબાલનું 'આશાયિન' અને ફિલ્મ અજબ પ્રેમ કીનું 'મૈં તેરા ધડકન તેરી' ગીત. ગઝબ કહાની તેના ચાહકોમાં સૌથી વધુ લોકપ્રિય હતી.