બ્રાઝિલની પોર્ન સ્ટાર બિઆન્કા નાલ્ડીએ રાજકારણમાં પ્રવેશવાની યોજના બનાવી છે. તે ક્રિશ્ચિયન લેબર પાર્ટી તરફથી ચૂંટણી લડવા માંગે છે.
બ્રાઝિલની પોર્ન સ્ટાર બિઆન્કા નાલ્ડીએ રાજકારણમાં પ્રવેશવાની જાહેરાત કરી છે
તેમણે કહ્યું કે ખ્રિસ્તી મતદારોને મારા જૂના કામથી કોઈ સમસ્યા નહીં થાય
બિઆન્કા નાલ્ડી કહ્યું કે, તે આરોગ્ય, શિક્ષણના મુદ્દાઓ પર મત માંગશે
બ્રાઝિલમાં આ વર્ષના અંતમાં ચૂંટણી થવાની છે. આ ચૂંટણીમાં બ્રાઝિલની એક પોર્ન સ્ટાર પણ મેદાનમાં ઉતરશે. તે ક્રિશ્ચિયન લેબર પાર્ટી તરફથી આ ચૂંટણી લડવા માંગે છે. એડલ્ટ ફિલ્મોમાં કામ કરતી બિઆન્કા નાલ્ડીએ રાજકારણમાં આવવાની અને ચૂંટણી લડવાની ઈચ્છા વ્યક્ત કરી છે. આ સાથે તેણે કહ્યું છે કે ખ્રિસ્તી મતદારોને તેના જૂના કામથી કોઈ સમસ્યા નહીં થાય.
રિયો ડી જાનેરોથી ચૂંટણી લડવા માંગે છે
નાલ્ડીની ક્રિશ્ચિયન લેબર પાર્ટીના ઉમેદવાર તરીકે રિયો ડી જાનેરોથી ચૂંટણી લડવાની યોજના છે. જોકે તેણી ઈંજીલ ખ્રિસ્તી હતી, તે હવે કોઈ ચોક્કસ ધાર્મિક સિદ્ધાંતને વળગી રહી નથી.ક્રિશ્ચિયન લેબર પાર્ટીને બ્રાઝિલની દક્ષિણીપંથી પાર્ટી માનવામાં આવે છે. તેની વિચારધારા ખ્રિસ્તી લોકશાહી, રૂઢિચુસ્ત ઉદારવાદ અને શ્રમરવાદ છે. બિયાનકા નાલ્ડીએ પાંચ વર્ષ પહેલા પોર્ન ઈન્ડસ્ટ્રીમાં પ્રવેશ કર્યો હતો. પરંતુ પોર્ન સ્ટાર બનતા પહેલા તે નર્સ ટેક્નિશિયન હતી.
હવે રાજકારણમાં પ્રવેશ કર્યો
પોર્નસ્ટાર બિયાનકા નાલ્ડીએ તાજેતરમાં પોડકાસ્ટમાં તેના રાજકીય વલણ વિશે વાત કરી હતી. પોડકાસ્ટમાં જ્યારે તેને પૂછવામાં આવ્યું તો તેણે કહ્યું કે જો મને આમંત્રણ મળશે તો હું ચોક્કસપણે રાજકારણમાં જઈશ. તેણે કહ્યું કે બાદ મને પણ ઉમેદવાર તરીકે ચૂંટણી લડવાની ઓફર મળી અને મેં તેનો સ્વીકાર કર્યો, કારણ કે રાજકારણ આપણા જીવનનો એક ભાગ છે. તેમણે કહ્યું કે આજે મોંઘવારી એટલી વધી ગઈ છે કે 100 બ્રાઝિલિયન રિયાલમાં કંઈ જ મળતું નથી. તેણીએ કહ્યું કે ચૂંટણીમાં તે પરિવાર, આરોગ્ય, શિક્ષણ અને લોકોના કલ્યાણના મુદ્દાઓ પર મત માંગશે.