ધરાશાયી / ગીર સોમનાથમાં ત્રણ માળનું મકાન ધરાશાયી, 12 સભ્યોના પરિવારનો આબાદ બચાવ

• વેરાવળમાં 3 માળનું મકાન ધરાશાયી
• નવા બાંધકામ માટે ખાડો ખોદતા દુર્ઘટના
• આ ઘટનામાં કોઇ જાનહાની નહીં

ગીર સોમનાથના વેરાવળમાં મોટી જાનહાનિ ટળી હતી વેરાવળમાં 3 માળનું મકાન ધરાશાયી થતા મકાનમાં રહેતા 12 સભ્યો દટાયા હતા જો કે સદનસીબે ઘરના તમામ સભ્યોને સુરક્ષિત બહાર નીકાળવામાં આવ્યા હતા. આ ઘટનામાં પરિવારના તમામ સભ્યોનો આબાદ બચાવ થયો હતો. મહત્વનું  છે કે મકાન ધરાશાયી થતું હોય તેવો વીડિયો વાયરલ થયો છે જેમાં જોઈ શકાય છે કે કેવી રીતે ત્રણ માળનું મકાન ધરાશાયી થઈ રહ્યું છે. જોત જોતામાં ધડામ દઈને મકાન જમીન દોસ્ત થઈ જાય છે.

મકાનમાં રહેતા 12 સભ્યો સુરક્ષિત નીકળ્યા બહાર

વેરાવળની મુખ્ય બજારની ધાણીશેરીમાં મકાન ધરાશાયી થયુ હતું જે મકાન ધરાશાયી થયું તેની બાજુમાં નવા બાંધકામ માટે ખાડો ખોદવામાં આવતા દુર્ઘટના સર્જાઈ હતી જેમાં એક પરિવારના 12 સભ્યો મકાન નીચે દબાઈ ગયા હતા ઘટનાની જાણ તુંરત જ ફાયરના જવાનોને કરવામાં આવી ઈમરજન્સી કોલ મળતા જ ફાયરના જવાનો ઘટના સ્થળે દોડી આવ્યા હતા અને બચાવ કામગીરી શરૂ કરી હતી જો કે ભારે જહેમત બાદ ઘરના તમામ સભ્યોને સુરક્ષિત રીતે ઘરના કાટમાળમાંથી બહાર નીકાળવામાં આવ્યા હતા.  

ઘરવખરીનો સામાન અને દાગીના દટાયા

જો કે મકાન ધરાશાયી થતા ઘરમાં રહેલી ઘર વખરી સહીતો સામાન, ઘરેણાં,દાગીના અને અન્ય ચીજવસ્તુઓ દટાઈ ગયા હતા. પરતું સદનબીસે મોટી જાનહાનિ હોનારત ટળી હતી.