અફઘાનિસ્તાન કટોકટી / 73 કરોડના ઈનામી આતંકીને મંત્રી બનાવાતા અમેરિકા ભડક્યું, તાલિબાનની ધમકી, સુધરી જાઓ નહીંતર...

• અફઘાનિસ્તાનની નવી સરકારમાં સિરાજુદ્દીન હક્કાનીને મંત્રી બનાવાયો
• સિરાજુદ્દીન હક્કાનીને અમેરિકાએ આતંકી જાહેર કરેલો છે
• હક્કાનીને માથે અમેરિકાએ 73 કરોડના ઈનામી જાહેર કરેલું છે
• અમેરિકાએ કહ્યું હક્કાની મંત્રી નહોતો બનાવવો જોઈતો
• તાલિબાન ભડક્યું મંત્રી બનાવવો અમારો વિષય તમે તમારા ઘરનું સંભાળો 

અફઘાનિસ્તાનની તાલિબાન સરકારમાં સિરાજુદ્દીન હક્કાનીને મંત્રી બનાવાતા અમેરિકા ભડક્યું છે. અમેરિકાએ સિરાજુદ્દીન હક્કાનીને આતંકી જાહેર કરેલો છે. 

આતંકીને મંત્રી કેવી રીતે બનાવી શકાય, અમેરિકાએ તાલિબાનને જણાવ્યું 

આતંકીને સરકારમાં મંત્રી બનાવાતા અમેરિકાએ જણાવ્યું કે તાલિબાન નહોતું કરવું જોઈએ. ખરાબ ટ્રેક રિકોર્ડ ધરાવનારને સરકારમાં સ્થાન ન આપી શકાય. અમેરિકાની ચેતવણી બાદ તાલિબાન પણ ભડકી ઉઠ્યું છે. તાલિબાન દ્વારા જારી નિવેદનમાં કહેવાયું કે આ પ્રકારનું નિવેદન અથવા બેન સહન નહીં કરવામાં આવે. 

અમેરિકા અમારી સરકારની વિરૃદ્ધ કોઈ નિવેદન ન આપે-તાલિબાન

તાલિબાને કહ્યું કે હક્કાની સાહેબનો પરિવાર પણ ઈસ્લામિક અમીરાત સરકારનો હિસ્સો છે તેઓ અલગ નથી. તેથી દોહા એગ્રિમેન્ટ પ્રમાણે અમીરાતના તમામ સભ્યોને સંયુક્ત રાષ્ટ્ર અને અમેરિકાના બ્લેકલિસ્ટમાંથી હટાવી નાખવા જોઈએ.  તાલિબાને અમેરિકાને સ્પસ્ટ સંભળાવી દીધું કે અમારી સરકારની સામે જે પણ નિવેદનો આપવામાં આવી રહ્યાં છે તે સહન કરવા લાયક નથી. આ પ્રકારના નિવેદનો ન આપવા જોઈએ. અમેરિકાએ તેની નીતિમાં ફેરફાર કરવો જોઈએ.

સિરાજુદ્દીન હક્કાનીના માથા પર 10 મિલિયન ડોલરનું ઈનામ 

ઉલ્લેખનીય છે કે અફઘાનિસ્તાનની તાલિબાન સરકારમાં એવા ઘણા નેતાઓ છે જેમના નામ સંયુક્ત રાષ્ટ્રના ગ્લોબલ આતંકીઓની યાદીમાં સામેલ છે અથવા તો અમેરિકાએ તેમના માથા પર ઈનામ જાહેર કરી રેખેલું છે. સિરાજુદ્દીન હક્કાનીને તાલિબાન સરકારમાં ગૃહમંત્રી બનાવાયા છે. અમેરિકાએ હક્કાનીના માથા પર 10 મિલિયન ડોલરનું ઈનામ રાખ્યું છે. સિરાજુદ્દીન આતંકી સંગઠન હક્કાની ગ્રુપનો વડો છે.