બોલિવૂડ એક્ટર અનિલ કપૂર અને સુનીતા કપૂરની નાની દીકરી રિયા કપૂરના શનિવારે 14 ઓગસ્ટે મુંબઈમાં લગ્ન થયા છે. લગ્ન સમારોહ ઘણો નાનો રાખવામાં આવ્યો અને તેમાં પરિવારના સભ્યો અને બંને પક્ષોના ખાસ મિત્રો જ સામેલ થયા.
અનિલ કપૂરની નાની દીકરી રિયા કપૂરના શનિવારે મુંબઈમાં લગ્ન થયા
લગ્ન સમારોહ ઘણો નાનો રાખવામાં આવ્યો
બંને પક્ષોના ખાસ મિત્રો જ સામેલ થયા
રિયા કપૂરે પોતાના બોયફ્રેન્ડ કરણ બૂલાની સાથે લગ્ન કર્યા. લગ્ન સમારોહમાં દુલ્હનના પિતા અનિલ કપૂર પરંપરાગત ડ્રેસમાં જોવા મળ્યા હતા.
બોલિવૂડ અભિનેત્રી સોનમ કપૂર પોતાની બહેનના લગ્નના થોડા સપ્તાહ પહેલાં જ મુંબઈ પહોંચી હતી. તે પોતાના પતિ આનંદ આહૂજા સાથે સમારોહમાં જોવા મળી હતી.
અનિલ કપૂરના મોટા ભાઈ પ્રોડ્યુસર બોની કપૂર પણ લગ્નમાં સામેલ થયા હતા.
ખુશી કપૂર અને શનાયા કપૂર, રિયા કપૂરની કઝિન છે. ખુશી અને શનાયા પણ લગ્ન સમારોહમાં સામેલ થવા માટે પહોંચી હતી. બંને બહેનો બોલિવૂડમાં ડેબ્યૂ કરવા જઈ રહી છે.
અનિલ કપૂર લગ્ન સમારોહના કવરેજ માટે આવેલા ફોટોગ્રાફર્સ અને મીડિયાકર્મીઓને ફોટોઝ માટે પોઝ આપ્યો અને મિઠાઈ પણ વહેંચી. એક્ટરે ફોટોગ્રાફર્સ અને મીડિયાકર્મીઓને તેની દીકરીના સારાં ભવિષ્ય માટે આશીર્વાદ આપવાનું પણ કહ્યું.