ગૌરવ / Grammy Awardsમાં ભારતની ફાલ્ગુની શાહને મળ્યો એવોર્ડ, PM મોદીએ પાઠવી શુભકામનાઓ

• ભારતની ફાલ્ગુની શાહને મળ્યો ગ્રેમી 
• ફાલૂ શાહ નામથી છે ફેમસ 
• 'અ કલરફૂલ વર્લ્ડ' માટે જીત્યો એવોર્ડ

ગ્રેમી એવોર્ડ મ્યુઝીક ઈન્ડસ્ટ્રી માટે સૌથી મોટા એવોર્ડ માનવામાં આવે છે. આ વખતના આ એવોર્ડ ભારત માટે પણ ખૂબ જ ખાસ સાબિત થયા છે. લાસ વેગાસના MGM ગ્રાન્ડ ગાર્ડન એરેના ખાતે આયોજિત આ એવોર્ડ્સમાં ભારતનું નામ પણ રોશન થયું છે. ન્યૂયોર્ક સ્થિત ભારતીય-અમેરિકન ગાયિકા ફાલ્ગુની શાહને 'અ કલરફુલ વર્લ્ડ' માટે શ્રેષ્ઠ ચિલ્ડ્રન મ્યુઝિક આલ્બમ કેટેગરીમાં ગ્રેમી એવોર્ડથી સન્માનિત કરવામાં આવ્યા છે. ફાલ્ગુની શાહને ગ્રેમી મળતાં તેના ચાહકોમાં સેલિબ્રેશનનો માહોલ છે અને સમગ્ર દેશને તેના પર ગર્વ છે.

 

 

 

 

View this post on Instagram

 

 

 

 

 

 

 

 

 

 

 

A post shared by Falumusic (@falumusic)

ફાલુ શાહ તરીકે છે ફેમસ 
ફાલ્ગુની શાહ સ્ટેજ પર 'ફાલુ શાહ' તરીકે પણ ઓળખાય છે. ફાલ્ગુની શાહે ઇન્સ્ટાગ્રામ પર ગ્રેમી એવોર્ડ સાથેની તેની ખૂબ જ સુંદર તસવીરો પોસ્ટ કરીને આભાર વ્યક્ત કર્યો છે. ફાલુને ગ્રેમી 2022માં શ્રેષ્ઠ ચિલ્ડ્રન્સ મ્યુઝિક આલ્બમ કેટેગરીમાં નોમિનેટ કરવામાં આવી હતી. તેણે એવોર્ડ જીત્યો અને તેની ટ્રોફી સાથેની તસવીરો ઈન્સ્ટાગ્રામ પર શેર કરી છે.

Congratulations to Falguni Shah on winning the award for the Best Children’s Music Album at the Grammys. Wishing her the very best for her future endeavours. @FaluMusic

— Narendra Modi (@narendramodi) April 5, 2022

PM મોદીએ પાઠવી શુભકામનાઓ 
ફાલ્ગુનીના ગ્રેમી જીતવાથી બધા ભારતીય ખુશ છે. દેશના પ્રધાનમંત્રી નરેન્દ્ર મોદીએ પણ ફાલ્ગુની શાહને શુભકામનાઓ પાઠવી છે. પીએમ મોદીએ પોતાના ઓફિશિયલ ટ્વીટર એકાઉન્ટ પર ટ્વીટ કરતા લખ્યું, "ગ્રેમીમાં સર્વશ્રેષ્ઠ બાળ સંગીત આલ્બમનો એવોર્ડ જીતવા પર ફાલ્ગુની શાહને શુભકામનાઓ. તેમના ભવિષ્યના પ્રયાસો માટે તેમને ખૂબ ખૂબ શુભકામનાઓ."