ભારે કરી / ગીતના વિવાદ વચ્ચે એકબીજા સાથે ગરબાની રમઝટ બોલાવતા નજર આવ્યા ફાલ્ગુની પાઠક અને નેહા કક્કર, યુઝર્સ બોલ્યા 'આ શું છે..?'

• ફાલ્ગુની પાઠક અને નેહા કક્કર વચ્ચે ઇન્સ્ટાગ્રામ પર શબ્દોની જંગ 
• તું-તું મેં-મેં વચ્ચે બંને દેખાયા એક સાથે
• ફાલ્ગુની પાઠકે કહ્યું 'ગીત સાંભળી ઊલટી આવવાની બાકી હતી

હાલમાં જ નેહા ક્ક્કરે 90ના દાયકાનું સિંગર ફાલ્ગુની પાઠકનું હિટ પોપ લોકપ્રિય ગીત 'મૈંને પાયલ હૈ છનકાઈ' ને પોતાની સ્ટાઈલમાં રિક્રિએટ કર્યું છે. ગીતને એક તરફ કેટલાક લોકો પસંદ કરી રહ્યા છે તો વધુ પડતાં લોકો આ ગીતને લઈને નેહાને ટ્રોલ કરી રહ્યા છે. નેહાકક્કરના રિક્રિએટ કરેલ એ ગીત 'ઓ સજના' વિશે વિવાદ અટકવાનું નામ નથી લઈ રહ્યો. ગીતની મૂળ સિંગર ફાલ્ગુની પાઠકે થોડા સમય પહેલા રિલીઝ થયેલા આ ગીત પર પ્રતિક્રિયા આપી હતી અને ફાલ્ગુની પાઠક અને નેહા કક્કર બંને ઇન્સ્ટાગ્રામ પર ફેન્સના નામે એકબીજાનો ઉલ્લેખ કર્યા વીના ખરી-ખોટી સંભળાવી રહ્યા છે. 

તુ..તુ-મેં..મેં  વચ્ચે બંને દેખાયા એક સાથે
આ બધા વચ્ચે બંને એક-બીજા સાથે હસી-ખુશી મળીને વાતો કરતાં નજર આવ્યા અને એ વિડીયો હાલ સોશ્યલ મીડિયા પર વાયરલ થઈ રહ્યો છે. વાત એમ છે કે સોની ટીવી પર ઇંડિયન આઇડલ સિઝન 13 શરૂ થઈ ગયું છે અને આ શોમાં નેહા કક્કર, ફાલ્ગુની પાઠક, હિમેશ રેશમિયા અને આદિત્ય નારાયણ શોના કન્ટેસ્ટન્ટ સાથે નજર આવ્યા હતા. હાલ જ ઇન્સ્ટાગ્રામ પર એક પ્રોમો વિડીયો શેર કરવામાં આવ્યો છે અને તેમાં ફાલ્ગુની પાઠક સહિત બધા લોકો દાંડિયા પણ કરી રહ્યા છે.

 

 

 

 

View this post on Instagram

 

 

 

 

 

 

 

 

 

 

 

A post shared by Sony Entertainment Television (@sonytvofficial)

ફાલ્ગુની પાઠકે કહ્યું 'ગીત સાંભળી ઊલટી આવવાની બાકી હતી '
આ વિવાદ હાલ વધ્યો હોય એવું લાગી રહ્યું છે અને હાલમાં જ એક નવા ઈન્ટરવ્યુમાં ફાલ્ગુની પાઠકે કહ્યું હતું કે 'ગીતની નિર્દોષતા સંપૂર્ણપણે નાશ પામી છે. જ્યારે મેં પહેલીવાર નવું વર્ઝન સાંભળ્યું ત્યારે તે ઉલ્ટી કરવાની હતી. જૂન ગીતો નવી રીતે આવે એમાં કઈં ખોટું નથી પણ સારી રીતે આવવા જોઈએ ને. તમારે યુવા પેઢી સુધી પહોંચવું છે તો ગીતની લય બદલો પણ તેને સસ્તું ન બનાવો.. ગીતની જે મૌલિકતા છે તેને ન બદલો. મને નથી લાગતું કે મારે કંઈ કરવાની જરૂર છે, મારા ચાહકો આ ગીત સામે કાર્યવાહી કરી રહ્યા છે અને હું બસ સ્ટોરી શેર કરું છું. એ લોકો મને સપોર્ટ કરી રહ્યા છે તો હું પણ એમને સપોર્ટ કરીશ.' 

નેહા એ પણ આપ્યો હતો આ રીતે જવાબ 
આ ગીતને લઈને નેહા કક્કરને સોશિયલ મીડિયા પર ટ્રોલ કરવામાં આવી રહી છે અને હવે તેણે પોતાના હેટર્સને જવાબ આપ્યો છે. સોશિયલ મીડિયા પર નેહાએ ટ્રોલર્સને સ્પષ્ટ રીતે કહ્યું  છે કે તે પોતાના ટેલેન્ટ, હાર્ડ વર્ક અને પેશનના દમ પર જ આજે બૉલીવુડની સુપરહિટ સિંગર છે. નેહાએ ઇન્સ્ટાગ્રામ પર સશેર કરેલી આ પોસ્ટમાં એમ પણ કહ્યું છે કે, તે બાળકોથી લઈને 80-90 વર્ષના વૃદ્ધો સુધીની ફેવરીટ સિંગર છે.