વિવાદનો વરઘોડો / DySP ફાલ્ગુની પટેલનો દાદાગીરી કરતો વિડીયો વાયરલ

અરવલ્લીના મોડાસાના ખંભીસર ગામમાં દલિત સમાજના વરઘોડાને લઈને વિવાદ થયો. આ વિવાદ વચ્ચે DySP ફાલ્ગુની પટેલની દાદાગીરી કરતી હોવાનો વીડિયો વાયરલ થયો છે. આ વીડિયોમાં DySP દલિત અગ્રણીને ધમકાવતા હોય તેવુ દેખાઈ રહ્યુ છે. દલિત સમાજના અગ્રણીને ફાલ્ગુની પટેલે જાહેરમાં અપશબ્દો પણ કહ્યા હતા. આ ઘટના બાદ દલિત સમાજ દ્વારા પોલીસ પર આક્ષેપ કરવામાં આવ્યા છે. પોલીસે રક્ષણ આપવાની જગ્યાએ લાઠીઓ વરસાવ્યા હોવાનો દલિત સમાજના અગ્રણીએ આરોપ લગાવ્યો છે. સાથે જ જિલ્લા પોલીસ વડા અને નાયબ જિલ્લા પોલીસ અધિક્ષકને સસ્પેન્ડ કરવાની પણ માગ કરી છે. જવાબદાર અધિકારીઓને જ્યા સુધી સસ્પેન્ડ કરવામાં નહિ આવે ત્યાં સુધી અન્નજળનો દલિત સમાજના અગ્રણીએ ત્યાગ કર્યો છે.