દબદબો / આખી દુનિયામાં ગુજરાતનું નામ ઝળહળ્યું! દાહોદની ફાલ્ગુની શાહએ જીત્યો ગ્રેમી એવોર્ડ, જાણો વિગત

• ગ્રેમી એવોર્ડમાં ગુજરાતીનો ડંકો
• ફાલ્ગુની શાહને મળ્યો ગ્રેમી એવોર્ડ
• બાળગીતોની કેટેગરીમાં મળ્યો એવોર્ડ

ગ્રેમી એવોર્ડમાં ગુજરાતીનો ડંકો

અમરિકાનાં લાગ વેગાસમાં 64માં ગ્રેમી એવોર્ડનું આયોજન થયું હતું. આ એવોર્ડ દુનિયાના શ્રેષ્ઠ સંગીતકારોને આપવામાં આવે છે. ભારતના સંગીતકારો પણ આ એવોર્ડ પ્રાપ્ત કરીને ભારતનું નામ આખા વિશ્વમાં રોશન કર્યું છે. 

દાહોદનાં વૈષ્ણવ પરિવારના પરંતુ વર્ષોથી ન્યૂયોર્ક રહેતા દિલીપભાઈ રસિકલાલ શાહ અને તેમના પત્ની લીનાબેનનાં 41 વર્ષીય પુત્રવધુ ફાલ્ગુની દલાલ શાહ એક લોકપ્રિય ગાયિકા છે. તેમની પસંદગી ગ્રેમી એવોર્ડ માટે થતા દાહોદમાં આનંદ અને ગૌરવની લાગણી છવાઈ ગઈ છે.  ફાલ્ગુની મૂળ મુંબઈનાં છે. 

ફાલ્ગુની શાહને મળ્યો ગ્રેમી એવોર્ડ

ફાલ્ગુનીનાં 2019માં આવેલા આલ્બમ 'ફાલુ'ઝ બાઝાર' માટે તેમનું નામ દક્ષિણ એશિયામાંથી એકમાત્ર વ્યક્તિ તરીકે 61માં ગ્રેમી એવોર્ડ માટે નોમીનેટ થયું હતું અને તેમને રેડકાર્પેટ સન્માન પણ પ્રાપ્ત થયું હતું. જોકે તેમને ગ્રેમી એવોર્ડ મળ્યો ન હતો. તેમનું નામ આ વર્ષે ફરી "અ કલરફુલ વર્લ્ડ" આલ્બમ માટે નોમીનેટ થયું હતું. 3 એપ્રિલ 2022નાં રોજ અમેરિકામાં યોજાયેલ 64માં ગ્રેમી એવોર્ડનાં કાર્યક્રમમાં પણ નોમિનેશન પ્રાપ્ત થયા બાદ બાળગીતો એટલે કે બેસ્ટ ચિલ્ડ્રન સોંગ વિભાગે તેમને ગ્રેમી એવોર્ડ મળ્યો હતો. 

 

 

 

 

View this post on Instagram

 

 

 

 

 

 

 

 

 

 

 

A post shared by Falumusic (@falumusic)

64મો ગ્રેમી એવોર્ડ જીતવાની જાણકારી ફાલ્ગુની શાહે પોતાના ઓફિશિયલ ઇન્સ્ટાગ્રામનાં માધ્યમથી આપી છે. તેમણે અમુક તસવીરો શેર કરી છે. આ તસવીરો સાથે તેઓ કેપ્શનમાં લખે છે કે આજના જાદૂ વિષે જણાવવા માટે મારી પાસે શબ્દો નથી. ગ્રેમી પ્રીમિયર સમારોહનાં ઉદ્ધાટન પર પરફોર્મ કરવું એક સમ્માનની વાત છે. 

ફાલ્ગુની શાહનાં આલ્બમ  

ફાલ્ગુનીએ આ પહેલા મુંબઈનાં રેડલાત વિસ્તાર પર આધારિત 'ફોરસ રોડ' આલ્બમ બનાવ્યો હતો, જે 2013માં ગ્રેમી એવોર્ડ માટે શોર્ટલિસ્ટ કરવામાં આવ્યો હતો, પરંતુ તે નોમિનેશનમાં આવ્યો ન હતો.  12 ગીતોના આલ્બમ 'ફાલુ'ઝ બજાર' ફાલ્ગુનીનાં નાનકડા પુત્રનાં પ્રશ્નોમાંથી જન્મેલો હતો, એ પણ મશહૂર થયો હતો. તેમાં ભાષા, ખાણીપીણીથી લઈને બાળકો દ્વારા પુછાતા જે-તે પ્રશ્નોના પોતાની રીતે સંગીતમય જવાબ સાથે રેઈનબોના સાત રંગોથી લઇ મરચાં, હળદર જેવા મસાલા વિશે મળીને કુલ 12 ગીત ધરાવતા આ આલ્બમમાં બાળસહજ અનેક જિજ્ઞાસાઓનો સમાવેશ કરવામાં આવ્યો હતો.