અમદાવાદ / વ્હોટ્સએપથી 86 લાખની છેતરપિંડી, કેવી રીતે? તમે સાયબર ગઠિયાની આવી જાળથી બચજો

વર્તમાન સમયમાં સાયબર ક્રિમીનલ નવી મોડસ ઓપરેન્ડી અપનાવીને છેતરપિંડી કરી રહ્યા છે. સાયબર ગઠિયાઓ ખોટું વોટ્સએપ એકાઉન્ટ બનાવીને એક વ્યક્તિ સાથે 86 લાખની છેતરપિંડી આચરીને વિદેશ રૂપિયા મંગાવી લીધા હતાં.આરોપી મૂળ આંધ્રપ્રદેશનો રહેવાસી છે અને આરોપીનું નામ અય્યપ્પા સ્વામી છે. સાયબર ક્રાઇમ દ્વારા આરોપીની હૈદરાબાદથી ધરપકડ કરવામાં આવી છે. આરોપીની તપાસમાં સામે આવ્યું છે કે આરોપીએ છેતરપિંડીના રૂપિયા અલગ અલગ ખાતામાંથી મેળવીને તે રૂપિયાને ક્રિપ્ટો કરન્સીમાં બદલીને વિદેશમાં બેઠેલા મુખ્ય આરોપીઓ સુધી મોકલી દીધા હતા. આ કામ કરવા પેટે આરોપીને 5 ટકા કમિશન મળ્યા હોવાનુ સામે આવ્યું છે.

86 લાખ રૂપિયાની છેતરપિંડી

ફરિયાદી આઈટી કંપની ચલાવે છે અને તેમના એકાઉન્ટન્ટ ઉપર તેમના ફોટો વાળો એક વોટ્સએપ ઉપર ચેટ આવ્યો અને જેમાં પોતે કંપનીના માલિકની ઓળખ આપી એક પ્રોજેક્ટ માટે કામ ચાલી રહ્યું છે અને તાત્કાલિક રૂપિયા એક ખાતા નંબરમાં જમા કરાવવા જાણ કરી હતી. જેથી એકાઉન્ટન્ટ દ્વારા ખાતામાં 86 લાખ જમા કરાવતા ફરિયાદી ઉપર મેસેજ જતા ફરિયાદીએ એકાઉન્ટન્ટને પૂછતા છેતરપિંડીનો ભોગ બન્યા હોવાનું સામે આવ્યું હતું.

આ પણ વાંચો: 'પોલીસ હેડ ક્વાર્ટરથી છીએ', કહી આવરા તત્વોએ હોટલનું રજીસ્ટર ચેક કરવા માંગ્યું, કરી લાફાવાળી

વિદેશથી આ ગેંગ ઓપરેટ થાય છે

સાયબરની તપાસમાં સામે આવ્યું કે, એકાઉન્ટ મધ્ય પ્રદેશનું હોવાનુ સામે આવ્યું અને જે અલગ અલગ લેયરમાં આરોપી સુધી પહોંચ્યા હોવાનુ સામે આવ્યું. વધુ તપાસ કરતા જાણવા મળ્યું કે, જે નંબરથી મેસેજ આવ્યો તે કંબોડિયાથી આવ્યા હોવાનુ સામે આવ્યું છે. જેથી વિદેશથી આ ગેંગ ઓપરેટ થતું હોવાનુ પણ સામે આવ્યું છે. સાયબર ક્રાઇમ હાલ 57 લાખ રૂપિયા ફ્રીઝ કરાવી દીધા છે અને આરોપીની ધરપકડ કરી મોબાઇલ,સિમ કાર્ડ સહિત અન્ય મુદ્દામાલ કબજે કર્યા છે. સાથો સાથ જે જે ખાતામાં રૂપિયા આવ્યા તે ખાતા ધારકોને પણ નોટિસ આપી બોલાવવામાં આવ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ