બિહારના સારણ જિલ્લાના સોનપુરમાં નકલી પોલીસકર્મીએ અસલી પોલીસ કર્મી પાસે ટિકિટ માગવી મોંઘી પડી હતી.
બિહારમાં વિચિત્ર કિસ્સો સામે આવ્યો
નકલી પોલીસે અસલી પોલીસ પાસે ટિકિટ માગી
નકલી પોલીસનું આવી બન્યું
બિહારના સારણ જિલ્લાના સોનપુરમાં નકલી પોલીસકર્મીએ અસલી પોલીસ કર્મી પાસે ટિકિટ માગવી મોંઘી પડી હતી. પોલ ખુલી જતાં સોનપુર રેલ્વે પોલીસે નકલી પોલીસની ધરપકડ કરી જેલમાં નાખી દીધો હતો. સ્વતંત્રતા સેનાની સુપરફાસ્ટ એક્સપ્રેસમાં સોનપુર સ્ટેશન પર નકલી પોલીસ કર્મીની ધરપકડ કરવામાં આવી હતી. કહેવાય છે કે, યુવક ટ્રેનમાં નકલી પોલીસ બનીને લોકો પાસેથી પૈસા પડાવતો હતો.
કેવી રીતે પકડાયો નકલી પોલીસ
પટનામાં એક મહિલા પોલીસ અધિકારી સિવિલ ડ્રેસમાં ડાઉન સ્વતંત્રતા સેનાની સુપર ફાસ્ટ ટ્રેનમાં મુસાફરી કરી હતી. ત્યારે આવા સમયે પોતાની જાતને પોલીસ ગણાવી એક યુવક તેની પાસે પહોંચ્યો અને તપાસ માટે ટિકિટ માગવા લાગ્યો હતો. ત્યાર બાદ ટિકિટના નામ પર તે મહિલા પોલીસ સાથે છેડતી કરી હતી. મહિલા પોલીસને જ્યારે નકલી પોલીસની કરતૂત વિશે શંકા ગઈ તો તેણે આ મામલે પટના પોલીસના ફરિયાદ વિભાગના ટોપ અધિકારીઓ સાથે વાત કરી.
ત્યાર બાદ ત્યાંથી સોનપુરમાં તૈનાત રેલ્વે પોલીસના અધિકારીઓએ આ મામલાની જાણકારી આપવામાં આવી. તેની સાથે સોનપુર રેલ પોલીસે ટ્રેનમાં શોધખોળ શરૂ કરી. જેવી કોચમાં સોનપુર રેલ્વે ટીમ પહોંચી નકલી પોલીસે ભાગવાનો પ્રયાસ કર્યો. આ દરમિયાન સોનપુર પોલીસે નકલી પોલીસને દબોચી લીધો હતો.
મહિલા પોલીસ કર્મીને શંકા ગઈ
મહિલા પોલીસ કર્મીએ જણાવ્યું હતું કે, તે સોનપુરથી જ સ્વતંત્રતા સેનાની સુપર ફાસ્ટ ટ્રેનમાં પોતાના ઘરે જઈ રહી હતી. આ દરમિયાન એક યુવકે રેલ પોલીસ હોવાનું કહીને ક્યારેક ટિકિટ માગતો, તો વળી અમુક લોકો પાસેથી બેગ પણ ચેક કરતો. મહિલા પોલીસને શંકા જતાં તેણે આઈકાર્ડ માગ્યું. તે આઈકાર્ડ બતાવાની જગ્યાએ મહિલા પોલીસકર્મી સાથે ગેરવર્તણૂંક કરવા લાગ્યો.