થોડા દિવસોથી આવક વેરા વિભાગના નામ પર ફ્રોડ થઈ રહ્યું છે. અમુક સાઈબર ઠગ ઈ-મેલ દ્વારા નકલી નોટીસ મોકલી રહ્યા છે.
આવો મેઈલ તમને આવ્યો છે?
ઈનકમ ટેક્સના નામ પર થાય છે ફ્રોડ
જાણો બચવા શું કરવું?
આવક વેરાના નામ પર હાલ ફ્રોડ કરવામાં આવી રહ્યું છે. સાઈબર ઠગ ટેક્સપેયર્સ પાસેથી ખોટી રીતે પૈસા પડાવવા માટે ઈ-મેલ દ્વારા નકલી નોટિસ મોકલી રહ્યા છે. જોકે તેના કારણે તમારે ડરવાની જરૂર નથી. તમે સરળતાથી અસલી અથવા નકલી નોટિસની જાણકારી મેળવી શકો છો. અમે તમને આવક વેરા વિભાગના નામ પર મોકલવાના આવી રહેલા નોટિસને ચેક કરવાની રીત બતાવવા જઈ રહ્યા છીએ.
વિભાગની વેબસાઈટ પર તપાસ કરવાની સુવિધા ઉપલબ્ધ
આવકવેરા વિભાગે અસલ અથવા નકલી નોટિસની જાણકારી ઉપલબ્ધ કરાવવા માટે પોતાની વેબસાઈટ પર સુવિધા ઉપલબ્ધ કરાવી છે. જેના દ્વારા તમે સરળતાથી તેની જાણકારી મેળવી શકો છો. તેના માટે તમારે પોતાનમા પાન નંબર, અસેસમેન્ટ યર, નોટિસ સેક્શન, મહિનો અને નોટિસ જાહેર કરવાનું વર્ષ વગેરેની જાણકારી આપવાની રહેશે.
આ પ્રકારે અસલી અથવા નકલીની જાણકારી આપી શકો છો.
સૌથી પહેલા તમે આવક વેરા વિભાગની વેબસાઈટ www.incometax.gov.in ખોલો.
ત્યાર બાદ તમને 'ઓથેન્ટિકેટ' ટેબ જોવા મળશે. તેના પર ક્લિક કરો.
આ ટેબ પર ક્લિક કરતાની સાથે જ એક નવું પેજ ઓપન થશે.
અહીં તમને મળેલી નોટિસ અસલી છે કે નકલી તેની તપાસ કરવાના બે વિકલ્પ જોવા મળશે.
તમે મળેલી નોટિસની તપાસ ડોક્યુમેન્ટ નંબર દ્વારા અથવા પાન, અસેસમેન્ટ યર, નોટિસ સેક્શન, મંથ અથવા યર ઓફ ઈશૂ દ્વારા કરી શકો છો.
અહીં તમારી જાણકારી ભરો. જાણકારી બાદ કેપ્ચા કોડ નાખવાનો હોય છે.
ત્યાર બાદ ક્લિક કરવા પર તમને જાણકારી મળી જશે કે મોકલેલી નોટિસ અસલી છે કે નકલી.