આ લોકસભા ચૂંટણીમાં વોટ ના આપ્યો તો અકાઉન્ટમાંથી કપાઇ જશે રકમ, ચૂંટણી પહેલા આવા પ્રકારનો મેસેજ વાયરલ થઇ રહ્યો છે. આ મેસેજને ઝડપથી સોશિયલ મીડિયા પર શેર કરવામાં આવી રહ્યો છે. જો કે આ મેસેજને હકીકત કંઇક અલગ જ છે.
સોશિયલ મીડિયા આજકાલ એક એવું માધ્યમ બની ગયું છે જેના દ્વારા લોકો પોતાની વાતો દુનિયા સુધી પહોંચાડે છે. આ માધ્યમ ખૂબ જ અસરકારક છે અને એની મદદથી દુનિયાના કોઇ પણ ખૂણામાં લોકો પોતાની વાત પહોંચાડી શકે છે. સોશિયલ મીડિયાનો ઉપયોગ કરવા માટે તમારી પાસે માત્ર કોમ્પ્યૂટર અથવા સ્માર્ટફોનની સાથે એક ફાસ્ટ ઇન્ટરનેટ કનેક્શન હોવું જોઇએ.
જણાવી દઇએ કે લોકસભા ચૂંટણી 2019ની તારીખોની જાહેરાત કરવામાં આવી છે. એવામાં લોકો હવે ચૂંટણીમાં વોટ આપવા માટે તૈયાર છે, પરંતુ એમાંથી કેટલાક લોકો એવા છે જે આ વર્ષે કેટલાક કારણોસર વોટ આપી શકશે નહીં, આવું ઘણા કારણોથી થઇ શકે છે. જેમ કે મતાદાત યાદીમાં નામ ના હોવાને કારણે અથવા વોટર આઇડી કાર્ડમાં કોઇ ગોટાળાના કારણે, પરંતુ ઘણી વખત એવુ પણ થાય છે કે લોકો વોટ આપી શકતા નથી અને એવામાં લોકોને સોશિયલ મીડિયા પર વાયરલ થઇ રહેલા એક મેસેજથી ખૂબ ડરેલા રહે છે.
વોટ નહીં આપવા પર અકાઉન્ટથી કપાઇ જશે રૂપિયા
હાલ સોશિયલ મીડિયા પર એક મેસેજ વાયરલ થઇ રહ્યો છે કે તમે કોઇ કારણોસર વોટ આપી શકતા નથી તો તમારા અકાઉન્ટમાંથી 350 રૂપિયા કપાઇ જશે. આ મેસેજ સોશિયલ મીડિયા પર ખૂબ શેર કરવામાં આવી રહ્યો છે. જેના કારણે લોકો ખૂબ જ ડરેલા છે. જો તમારી પાસે પણ આવો કોઇ મેસેજ આવ્યો છે તો અમે તમને આ મેસેજની વાસ્તવિક્તા જણાવી રહ્યા છીએ.
તમને એ જાણીને થોડી રાહત મળશે કે સોશિયલ મીડિયા પર વાયરલ થઇ રહેલો આ મેસેજ ફેક છે. આ ફેક મેસેજને કોઇ તોફાની તત્વએ મોકલ્યો છે અને ત્યારથી ઝડપથી વાયરલ થઇ રહ્યો છે.