એડવાઇઝરી / ફોરેનમાં જોરદાર નોકરીની લાલચ પછી કરાવશે મજૂરી: ભારત સરકારે પણ કહ્યું, ચેતજો, ફસાઈ ન જતાં

• ભારતીય વિદેશ મંત્રાલયે નોકરીઓને લઈને એડવાઈઝરી જાહેર કરી
• લોકોને થાઇલેન્ડ અને દુબઇમાં નોકરી આપવાની લાલચ આપવામાં આવે છે
• લોકોને લાલચ આપીને બોર્ડર પાર કરાવીને મજુરી કામ કરાવવામાં આવે છે 

ભારતીય વિદેશ મંત્રાલયે આઈટી ક્ષેત્રના યુવાનો માટે નકલી નોકરીઓને લઈને એડવાઈઝરી જાહેર કરી છે. મંત્રાલયે કહ્યું છે કે શંકાસ્પદ આઇટી કંપનીઓ ભારે પગાર સાથે થાઇલેન્ડ અને દુબઇમાં નોકરી આપવાની લાલચ આપવામાં આવી રહી છે. તેમાં ફસાયેલા યુવાનોને કેદ કરીને મજૂરી કામ કરાવવામાં આવી રહ્યું છે. એવું કહેવામાં આવ્યું છે કે સોશિયલ મીડિયા પર ચાલતી આવી બનાવટી જાહેરાતોમાં ન પડશો. વિદેશમાં નોકરી પર જતા પહેલા સંપૂર્ણ પુષ્ટિ કરજો.

Advisory regarding fake job rackets targeting IT skilled youthhttps://t.co/Pty9wblp45 pic.twitter.com/bnuhth3NbI

— Arindam Bagchi (@MEAIndia) September 24, 2022

ડીજીટલ માર્કેટિંગમાં જોબની લાલચ
વિદેશ મંત્રાલયનું કહેવું છે કે, ભારતીય યુવાનોને ડિજિટલ સેલ અને માર્કેટિંગ ક્ષેત્રમાં ઓફિસરના પદ માટે વિદેશમાં નોકરીની લાલચ આપવામાં આવી રહી છે. તેમનું લક્ષ્ય આઇટી ક્ષેત્રના કુશળ યુવાનો છે. તેમને થાઇલેન્ડ અને દુબઇમાં આકર્ષક નોકરીની લાલચ આપવામાં આવી રહી છે. આ કામમાં કોલ સેન્ટર કૌભાંડો અને ક્રિપ્ટો ફ્રોડમાં સંડોવાયેલી શંકાસ્પદ આઇટી કંપનીઓ છે. આવા કેટલાક કિસ્સા બેંગકોક અને મ્યાનમારમાં જોવા મળ્યા છે.

શા માટે ટાર્ગેટ બની રહ્યા છે લોકો?
મંત્રાલયે પોતાની એડવાઈઝરીમાં કહ્યું કે આ લોકો સોશિયલ મીડિયાની જાહેરાતો દ્વારા યુવાનોને દુબઈ અને થાઈલેન્ડમાં નોકરીની લાલચ આપીને ફસાવે છે. ત્યારબાદ મોટા ભાગનાને કથિત રીતે ગેરકાયદેસર રીતે સરહદ પાર કરીને મ્યાનમાર લઈ જવામાં આવે છે અને કઠોર પરિસ્થિતિમાં કામ કરવા માટે બંધક બનાવવામાં આવે છે. આથી એડવાઈઝરીમાં ચેતવણી આપવામાં આવી છે કે ભારતીય નાગરિકોને સલાહ આપવામાં આવે છે કે તેઓ આવી બનાવટી નોકરીની ઓફરનો શિકાર ન બને.