દાહોદ / ગુજરાતમાં 'સ્પેશિયલ 26' જેવી ઘટના, 6 નકલી અધિકારીઓએ કરી રેડ, જુઓ પછી શું થયું?

નવા વર્ષે નકલી અધિકારીઓની શરૂઆત થઇ ચુકી છે ત્યારે તાજેતરમાં દાહોદમાંથી નકલી આવકવેરા અધિકારી પકડાયા હતા. જેમાં વેપારીની દુકાને 6 લોકો IT ઓફિસર બનીને આવ્યા હતા. પોલ ખુલતા 2 આરોપીઓ ઝડપાયા હતા.

કેસ કરવાની ધમકી

દાહોદના સુખપર ગામે નકલી ઈન્કમટેકસ અધિકારીઓ પકડાયા હતા. ગામમાં એક વેપારીની દુકાને 6 નકલી ઇન્કમટેક્સ અધિકારીઓએ રેડ કરી હતી. મળતી માહિતી મુજબ અલ્પેશ પ્રજાપતિની દુકાને 6 નકલી ઇન્કમટેક્સ અધિકારીઓએ રેડ કરી હતી. જેમાં તેઓએ વેપારીના ચોપડા ચેક કરી દાગીના અને ચોપડા જમા કરી કેસ કરવાની ધમકી આપી હતી.

આ પણ વાંચો: ગુજરાતમાં HMPVનો વધુ એક કેસ, ઉત્તરાયણને લઈ પોલીસ કમીશનરનું જાહેરનામું, જુઓ 8 મોટા સમાચાર

નકલી અધિકારીઓએ કેસ ન કરવા માટે રૂપિયા 25 લાખની માંગણી કરી હતી. જેમાં આશરે રૂપિયા 2 લાખ રોકડા લીધા હતા. ત્યારે નકલી અધિકારીઓએ નાણા અન્ય જગ્યાએ આપવાની વાત કરતા ભાંડો ફુટીયો હતો. જેમાં પોલીસે ભાવેશ આચાર્ય અને અબ્દુલ સુલેમાનને ઝડપી પાડ્યા હતા. જોકે અન્ય 4 શખ્સો ફરાર થયા હતા. ત્યારે આ ઘટનાને લઇ સુખસર પોલીસે 6 શખ્સો વિરુદ્ધ ગુન્હો નોધી વધુ તપાસ હાથ ધરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ