ચેતજો / 'હમે તો લૂંટ લીયા મિલકે હુસન વાલોને...'ગોરી ગર્લફ્રેન્ડના ચક્કરમાં રૂા. 30 લાખ ખોયા

• સુરતમાં યુરોપની ગર્લફ્રેન્ડના ચક્કરમાં લૂંટાયો રત્નકલાકાર 
• રત્નકલાકારે યુરોપની ગર્લફ્રેન્ડના ચક્કરમાં ગુમાવ્યા 30 લાખ 
• વરાછાના યોગી ચોકના પ્રવીણ બોઘરાએ ગુમાવ્યા 30 લાખ 

સુરતમાં યુરોપની ગર્લફ્રેન્ડના ચક્કરમાં એક રત્નકલાકારે પોતાના 30 લાખ રૂપિયા ગુમાવી દીધા છે. વરાછાના યોગી ચોકના પ્રવીણ બોઘરાએ યુરોપની ગર્લફ્રેન્ડના ચક્કરમાં 30 લાખ ગુમાવી દીધા છે. 

દોઢ મહિના પહેલા થઈ દોસ્તી

પ્રવીણ સુરતમાં રત્નકલાકર તરીકે કામ કરે છે. દરેક યુવાનની જેમ જ પ્રવીણ પણ ફેસબુક ફ્રેન્ડશીપના રવાડે ચઢ્યો જેનો એક યુરોપીયન ગોરીએ લાભ લીધો અને દોઢ મહિના પહેલા ડાયેના મેક્સવેલ નામની યુવતી સાથે ફેસબુક પર ફ્રેન્ડશિપ થઈ હતી. 

90 લાખની ગીફ્ટના પાર્સલની ફેંકી જાળ

ડાયેના સાથેની મિત્રતા ધીરે ધીરે ગાઢ થઈ ગઈ હતી.  ડાયેનાએ 90 લાખની ગિફ્ટનું પાર્સલ મોકલ્યું હતું.  પાર્સલ છોડવાના બહાને જુદા જુદા સમયે 30 લાખ પડાવી લેવાયા હતા. 

પોલીસે ફરિયાદ નોંધી

આ મામલો પોલીસમાં પહોંચ્યો હતો ત્યારે સરથાણા પોલીસે ફરિયાદના આધારે તપાસ હાથ ધરી છે.