ગૂગલ પર શોધો છો કસ્ટમર કેર નંબર, તો થઇ જાવ સાવધાન!

જો તમે કોઇ ઇ કોમર્સ કંપનીની વેબસાઇટનો કસ્ટમર કેર નંબર ગૂગલ પર સર્ચ કરી રહ્યા છો તો તમારે ખૂબ જ સાવધાની રાખવાની જરૂર છે, કારણ કે હાલ સર્ચ એન્જીન પર નકલી કસ્ટમર કેર નંબરોનું જાણે પૂર આવી ગયું છે. સર્ચ એન્જીનો પર ખોટા નંબર નાંખનાર ફ્રોડ કરનાર તમારા બેંક અકાઉન્ટની જાણકારી માંગીને તમને ચૂનો લગાવે છે. એક પ્રકારે એક નાની ભૂલથી તમે હાથ ધોઇ બેસો છો. 

એક ગ્રાહકને આ પાઠ ભણવા ત્યારે મળ્યો, જ્યારે એના ખાતામાંથી મોટી રકમ છેતરપિંડીથી ઉડાવી લીધી. વાસ્તવમાં એમની પુત્રીએ એક જાણીતી ઇ કૉમર્સ પોર્ટલનો કસ્ટમર કેર નંબર ગૂગલથી લઇને એની પર કૉલ કર્યો. પોતાને કસ્ટમર કેયર રેપ્રિજેન્ટટિવ જણાવનાર વ્યક્તિએ મહિલાના બેંક ખાતામાંથી પૈસા ઊડાવ્યા અને સાથે સાથે મેસેજ પણ મોકલ્યો કે એ ટ્રાન્ઝેક્શન કરી રહ્યું છે અને એની મજાક ઊડાવતા કહ્યું, 'હવે પૈસા ગયા.'

ગ્રાહકે જણાવ્યું કે એને એક જાણીતી ઇ કૉમર્સ વેબસાઇટથી એક હેન્ડબેગ ઑર્ડર કર્યો હતો, પરંતુ એ એમને પસંદ આવી નહીં જેના કરણે એને પાછી મોકલવાનો નિર્ણય કર્યો. જેના માટે ગૂગલ પર એક વેબસાઇટથી કથિત કંપનીના કસ્ટમર કેરનો નંબર નિકાળ્યો અને એની સાથે સંપર્ક કર્યો. જેમાં એ વ્યક્તિએ અકાઉન્ટની ડિટેલ લીધી, ત્યારબાદ મારા ખાતામાંથી પૈસા ઉપાડ્યાનો મેસેજ આવ્યો. જ્યાં સુધી એ કાર્ડ બ્લોક કરાવે ત્યાં સુધી 15000 રૂપિયા નિકાળી દેવામાં આવ્યા હતા.