પાલડીમાં ડિલિવરી બોયના પાર્સલની ચોરી કરનાર નકલી ડિલિવરી બોય ઝડપાયો. 29 પાર્સલની ચોરી કરીને પાર્સલ ડિલિવરી કરી પૈસા પડાવ્યા. આરોપી CCTVમાં કેદ થતા પોલીસે બે આરોપીની કરી ધરપકડ
અમદાવાદમાં 29 પાર્સલ ચોરીને આરોપી ફરાર
પોલીસે CCTV ફુટેજના આધારે ઝડપ્યા આરોપી
બંને આરોપીઓની પોલીસે શરુ કરી સઘન પૂછપરછ
પાલડીમાં ડિલિવરી બોયના પાર્સલની ચોરી કરનાર નકલી ડિલિવરી બોય ઝડપાયો. 29 પાર્સલની ચોરી કરીને પાર્સલ ડિલિવરી કરીને પૈસા પડાવ્યા. આરોપી CCTVમાં કેદ થતા પાલડી પોલીસે બે આરોપીની કરી ધરપકડ. કોણ છે નકલી ડિલિવરી બોય.
પોલીસે CCTV ના આધારે આરોપીની કરી ધરપકડ
પોલીસ કસ્ટડીમાં જોવા મળતા આરોપી હર્સ બોરવાડિયા અને વિપુલ આહીર એવા ચોર છે જેમને સોનુ ચાંદી કે કિંમતી વસ્તુઓ નહિ પરંતુ પાર્સલની ચોરી કરી. ઘટનાની વાત કરી એ તો ગુજરાત કોલેજ નજીક આવેલી ઇકોમ એક્સપ્રેસ પ્રાઇવેટ કંપનીમાં ડિલિવરી બોય તરીકે નોકરી કરતા વિજય દેસાઈ પાલડીમાં આવેલા સુરદીપ ડુપ્લેક્સમાં પાર્સલ ડિલિવરી માટે ગયા હતા. તેમની પાસે 68 પાર્સલ હતા. જેમાંથી 38 પાર્સલ ડિલિવરી કરી દીધા. જ્યારે એક પાર્સલ સુરદીપ ડુપ્લેક્સમાં આપવા માટે ગયા ત્યારે આરોપીઓ 29 પાર્સલ ચોરીને ફરાર થઈ ગયા. આ ઘટના CCTV માં કેદ થઈ. પાલડી પોલીસે CCTV ફુટેજના આધારે આ બન્ને આરોપીને ઝડપી લીધા.
કેવી હતી મોડસ ઓપરેન્ડી ?
પકડાયેલા આરોપીમાં હર્ષ બોરવાડિયા વેજલપુરનો રહેવાસી છે. અને અગાઉ જોમેટોમાં નોકરી કરતો હતો. મોજશોખ કરવા માટે આરોપી હર્ષ બોડલીયાએ પોતાના મિત્ર વિપુલ આહીર સાથે મળીને ચોરીનું ષડ્યંત્ર રચ્યું. પરંતુ કોઈના ઘરે નહિ પરંતુ પાર્સલની ડિલિવરી કરવા જતાં ડિલિવરી બોયના પાર્સલની ચોરી કરવાનું નક્કી કર્યું. આરોપીઓએ ચોરી કરેલા પાર્સલ જુદા જુદા એડ્રેસ પર ડિલિવરી કરવા ગયા. અને ઓન હેન્ડ મળતી રોકડ લઈ લેતા. જ્યારે જે પાર્સલનું પેમેન્ટ ઓનલાઈન થયું હોય તે પાર્સલ કોઈ ગરીબ વ્યક્તિને આપી દેતા હોવાનું ખુલ્યું. હાલમાં પોલીસે બન્ને આરોપીની ધરપકડ કરીને તપાસ શરૂ કરી.
પાલડી પોલીસે આરોપીએ 29 પાર્સલમાંથી કેટલી ડિલિવરી કરી અને પાર્સલના પૈસાનો શું ઉપયોગ કર્યો તેમજ ઓનલાઇન પેમેન્ટના પાર્સલ ક્યાં વિસ્તારમાં ગરીબોને આપ્યા તે મુદ્દે પૂછપરછ શરૂ કરી છે.