નકલી કોવિશીલ્ડ, વેક્સિન અને નકલી કોવિડ ટેસ્ટીંગ કિટ તૈયાર કરનારી ટોળકીનો STF વારાણસીએ ભાંડાફોડ કર્યો છે. જેમાં પાંચ લોકોની ધરપકડ પણ કરવામાં આવી છે.
સાવધાન વારાણસીમાંથી પકડાયું નકલી વેક્સિનનું રેકેટ
અલગ અલગ રાજ્યોમાં વેક્સિન, કિટ સપ્લાઈ કરતા હતા
4 કરોડની આસપાસનો મુદ્દામાલ જપ્ત
નકલી કોવિશીલ્ડ, વેક્સિન અને નકલી કોવિડ ટેસ્ટીંગ કિટ તૈયાર કરનારી ટોળકીનો STF વારાણસીએ ભાંડાફોડ કર્યો છે. STFએ આ ટોળકીના પાંચ સભ્યોને મંગળવારે લંકા વિસ્તારના રોહિત નગરમાંથી દબોચી લીધા છે.
જપ્ત કરાયેલા આરોપીઓ પાસેથી મોટી સંખ્યામાં કોવિડ ટેસ્ટ કિટ, નકલી કોવિશીલ્ડ વેક્સિન, નકલી ઝાઈકોવ ડી વૈક્સિન, પૈકિંગ મશીન, ખાલી વાયલ, સ્વૈબ સ્ટિક વગેરે જપ્ત કરવામાં આવ્યું છે. જેની કિંમત લગભગ 4 કરોડ રૂપિયા આંકવામા આવી છે.
અહીંથી બનીને તૈયાર દવાઓ અને કિટ અલગ અલગ રાજ્યોમાં સપ્લાઈ થતી હતી. એસટીએફ વારાણસીના ડેપ્યુટી એસપી વિનોદ કુમારના જણાવ્યા અનુસાર નકલી કોવિડ કિટ અને વેક્સિન વિશે સતત સૂચનાઓ ફીલ્ડ યુનિટને મળતી રહી છે. તેના આધારે લંકા પોલીસ સ્ટેશનના રોહિત નગર કોલોની સ્થિત આવેલા એક ફ્લેટ પર દરોડા પાડવામાં આવ્યા હતાં.
ઘટનાસ્થળેથી સિદ્દીગિરી બાગ નિવાસી રાકેશ થવાણી, પઠાણી ટોલા ચૌક નિવાસી સંદીપ શર્મા, નવી દિલ્હીનો લક્ષ્ય જાવા, નાગપુર રસડા નિવાસી શમશેર અને બૈલિયા લહરતારા નિવાસી અરુણેશ વિશ્વકર્માની ધરપકડ કરવામાં આવી છછે. પૂછપરછ કરતા રાકેશ થવાણીએ જણાવ્યું હતું કે, તે સંદીપ શર્મા, અરુણેશ વિશ્વકર્મા તથા શમશેરની સાથે મળીને નકલી વૈક્સિન તથા ટેસ્ટિંગ કિટ બનાવતો હતો.
આ નકલી દવા અને વક્સિન અલગ અલગ રાજ્યોમાં સપ્લાઈ થતી હતી. ડેપ્યુટી એસપીના જણાવ્યા અનુસાર આરોપીઓ સાથે પૂછપરછ કરીને તેમના સાગરિતો વિશે જાણકારી એકત્ર કરવામાં આવી રહી છે. જપ્ત કરાયેલી દવાઓની બજાર કિંમત લગભગ 4 કરોડ આંકવામાં આવી છે.