દેશભરમાં કોરોના લહેરના કારણે જ્યાં આરોગ્ય સિસ્ટમ હચમચી ગઈ છે, ત્યાં મધ્ય પ્રદેશમાં એક એવું કૌભાંડ સામે આવ્યું છે કે જાણીને લાગે કે માનવતા સાવ જ મરી પરવારી છે.
મધ્ય પ્રદેશમાં ઝડપાયું મોટું રેકેટ
નકલી ઇન્જેકશન બનાવવાનું મોટું કૌભાંડ
રતલામ જિલ્લામાં બની આ ઘટના
મહત્વનું છે કે મધ્ય પ્રદેશમાં એક મોટું કૌભાંડ સામે આવ્યું છે, પોલીસે અહીં એક નર્સની ધરપકડ કરી લીધી છે, જે તેના ભાઈને ખાલી શીશીઓ લાવીને આપતી હતી અને તેનો ભાઈ તેમાં એન્ટીબાયોટિક ઇન્જેકશન ભરી દેતો હતો જેને પછીથી ફેવીક્વિકથી ચોંટાડી દેવામાં આવતું હતું, અને દર્દીઓને ૩૦ થી ૪૦ હજાર રૂપિયામાં વહેંચી દેવાતું હતું.
મધ્ય પ્રદેશમાં બની આ ઘટના
જાણકારી પ્રમાણે આ ઘટના મધ્ય પ્રદેશના રતલામ જિલ્લામાં બની છે, અહીં હાલમાં રેમડેસીવીરની ભારે અછત વર્તાઇ રહી હતી, જે દરમિયાન એક એવા રેકેટનો પર્દાફાશ થયો કે જેમાં લોકોના આરોગ્ય સાથે કોઈ પણ ભય વિના જ ગંભીર છેડછાડ થઈ રહી હતી. અહીં નકલી ઇન્જેકશન બનાવનારી ગેંગનો પર્દાફાશ થયો છે.
પોલીસે જોયું કે નર્સ બહેન તેના ભાઈને વેક્સિનની ખાલી બોટલ લાવી આપતી હતી, જેમાં ભાઈ એન્ટીબાયોટિક ઇન્જેકશન ભરી દેતો, તેને ફેવીકવિકથી સીલ પેક કરી નાંખતો, સાથે જ ઇન્જેકશનની ખાલી શીશી પર દર્દીનું જે નામ લખેલ હોય તેને સેનેટાઈઝરની મદદથી ભૂંસી નખાતું હતું, આ ઇન્જેકશનને દલાલોને ૬ થી ૮ હજારમાં અપાતું જેને તેઓ દર્દીઓને ૩૦ થી ૪૦ હજારમાં વેચી નાખતા હતા.
સાત લોકોની ધરપકડ
નકલી દવા, ઇન્જેકશન અને વેક્સિન બનાવવાના આરોપસર પોલીસ અહીં ૭ લોકોની ધરપકડ કરી છે, જાણકારી પ્રમાણે અહીં જીવાંશ હોસ્પિટલના ઉત્સવ નાયક, ડૉક્ટર યશપાયલ સિંહ, પ્રણવ જોશી, મેડિક હોસ્પિટલના નર્સ રીના પ્રજાપતિ અને તેનો ભાઈ પંકજ તેમજ હોસ્પિટલમાં ટોકન આપવા વાળા ગોપાલ અને રોહિત માલવીયની ધરપકડ કરવામાં આવી છે.