VIDEO: નકલી ભુવાનો પર્દાફાશ વિજ્ઞાન જાથાએ દરોડા પાડી ઝડપ્યો રંગેહાથ

આટલા ડિજીટલ યુગમાં પણ હજી આપણે ત્યાં અંધશ્રધ્ધા જોવા મળે છે. શ્રધ્ધામાં પારખા ન હોય પરંતુ ઘણા લોકો ઠગાઇ કરી લોકોને અંધશ્રધ્ધાના રસ્તે દોરી રહ્યા છે. એવી જ એક ઘટના સામે આવી છે રાજકોટના માલિસણા ગામની જ્યાં એક ભુવો માતાજીના નામે લોકોને લૂંટતો હતો જે રંગે હાથ ઝડપાયો છે.

સમગ્ર અહેવાલ વિશે જણાવીએ તો રાજકોટના માલિયાસણ ગામે વિજ્ઞાન જાથાએ દરોડા પાડ્યા છે. ભુવાના ઘરે વિજ્ઞાન જાથાના સભ્યએ દરોડા પાડ્યા છે. તાંત્રિક વિધિને લઇને દરોડા કર્યા હોવાનું પ્રાથમિક તપાસમાં બહાર આવ્યું છે. નકલી ભુવો બની લોકો સાથે છેતરપિંડી કરતો હોવાનું સામે આવતા દરોડા પાડવામાં આવ્યા છે.




વિજ્ઞાન જાથા દ્વારા અરજણભાઇ નામના શખ્સના ઘરે દરોડા પાડવામાં આવ્યા છે. હાલ આ સ્થળ પર પોલીસનો કાફલો પહોંચ્યો છે. જ્યારે પોલીસે 21 હજારની રોકડ સાથે ભુવાને પકડ્યો છે. આ ભૂવો દુખ દર્દ દૂર કરવાના બહાને પૈસા એઠતો હોવાનું સામે આવ્યું છે. ભાનુ બહેન ગોહિલ નામની મહિલાએ આક્ષેપ કર્યો છે કે માનતાના નામે 21 હજાર લીધા છે.